in pîts
[FO]
-
loc.av., loc.adi.inv.
stant poiât sui pîts e dret, cence jessi sentât o distirât:
"Che si comudi, signorine." "Stoi ben ancje in pîts jo" (Vittorio Vittorello, A ogni cost);
plui tart, cui strac di stâ in pîts, cui stuf di stâ a scoltâ, e scomençavin a sentâsi (Zuan Lurinçon, La Madalene)
Sin. sù
, dret
Var. impins
-
loc.av.
in verticâl, no poiât o no butât jù, no sdrumât e v.i.:
in chel al à poiât un pît sui dincj de sieste [dal ristiel]; di man vuarde, al si drece sù il mani in pîts e i mole une croste tal nâs (Luigi Gortani, Al marcjât di Vile);
li cjasis plui vielis, che formavin il vecjo ghet dai abreos, li ja fati sparî la ultima vuera, l'è restada in pîts ancjimò cualchiduna par ricuardâigji ai gurissans, di vuê e di chei che vegnaran, se musuta che veva una volta la nostra Cossevia (Ranieri Mario Cossâr, La anima diliberada)
Sin. sù
, dret
-
loc.av., loc.adi.inv.
sveât e jevât sù dal jet:
tal doman di matine, prime che al cricàs il dì, chê femine foreste e chel frut e jerin za in pîts (Catarine Percude, La fuiace de Madone)
Sin. sù
, jevât
Cfr. sveât
, dismot
-
loc.av., loc.adi.inv.
in vore, in funzion, in esistence e v.i.:
lis provinciis, se e restaran in pîts in cualchi forme, si ridusaran al ufici di trasmeti pratichis ai orghins centrâi (Josef Marchet, Friûl orientâl e autonomie regjonâl)
Sin. sù
-
loc.av., loc.adi.inv.
che al à bisugne di une soluzion, di jessi frontât, di jessi finît e v.i.:
"[…] e je in pîts ancjemò la cuistion cu la int di Morsan di Strade. E àn vindût, sence vê il consens, chel che e àn boscât intai nestris boscs…" (Alviero Negro, Strumîrs e Çambarlans)
Sin. sù
Components:
Proverbis:
- cui che al mangje in pîts al mangje par sîs, cui che al mangje in sente al mangje par trente
- lune in pîts marinâr sentât, lune sentade marinâr in pîts
- un sac vueit nol sta in pîts