Dizionari de Lenghe Furlane

jevât  je|vât  [FO]

1. adi., p.pass. viôt jevâ , viôt jevâsi
   Var. levât
2. adi. tirât sù, tignût sù, tignût alt:  une pontute di supierbie, cul cerneli jevât e il stomi infûr (Dino Virgili, La aghe da pît la cleve); ciuladis di pôre, voi fûr dal cjâf, mans jevadis adalt o strentis une cu la altre come par preâ (Enrico Martina, Ricuarts e inlusions)
   Sin. alçât , dreçât , tirât sù , sù , dret , alt¹
3. adi. che al è cressût di volum par vie de fermentazion:  dolçs fats di paste no jevade (Sandri Carrozzo, La gubane, o ben la fortune di jessi la puarte de Europe orientâl); [la fuiace] e jere colôr di aur, jevade come un fonc e cuete che e faseve la biele voie (Catarine Percude, La fuiace de Madone)
   Sin. sglonf , sglonfât , cressût
4. adi. sveât e tirât sù dal jet:  siore, ce vuelie che o sepi, jo. O soi a pene jevât (Alan Brusini, Gian Paolo Linda, I forescj)
   Sin. sù , impins , in pîts , sveât , dismot
5. s.m. pont cardinâl che al corispuint ae direzion di là che al jeve il soreli:  Eco che il firmament / si fodre intun moment / di nûi e sorenûi / […] / A tramontan l'è scûr… / […] / E là a jevât ce neri!… (Pieri Çorut, La tempieste)
   Sin. orient , soreli jevât , Est

Polirematichis e espressions idiomatichis

• a cjâf jevât loc.av., loc.adi.inv.
• soreli jevât loc.s.m.