Dizionari de Lenghe Furlane

tignî impins    [CO]

1. loc.v. fâ stâ dret sui pîts:  lui, a moments, al colave in delicui se jê no lu ves tignût impins cul so braç (Gianni Gregoricchio, Îr e doman)
   Sin. tignî sù , tignî in pîts
   Cfr. tignî dret
   
   1. fâ stâ verticâl o te sô disposizion juste, ancje une plante, alc di inanimât, une struture e v.i.:  la ruede di rigambio e jere impirade di flanc […] cuntune smuarseute nichelade che la tignive impins (Renzo Valente, trad. Meni Ucel, Lis carocis di Marcjât Vieri)
2. loc.v. fâ stâ sveât
   Sin. tignî sù , tignî in pîts
   
   1. tignî impegnât in lavôrs:  lis voris la tignivin impins di matine fintremai gnot, sù e jù pal ronc (Gianni Gregoricchio, Îr e doman)
3. loc.v. dâ avonde fuarce di stâ sveât e di fâ ce che si à di fâ:  o ai di bevi un biel cafè neri, che mi tegni impins
   Sin. tignî sù , tignî in pîts
4. loc.v. (fig.) fâ stâ in funzion, fâ vê avonde risorsis:  la France intant e jere lade a tocs sot lis pidadis dai mucs: maçalizis, ruvinis, distruzions; ni i bêçs ni dutis lis sglonfaduris de sô retoriche a vevin podût tignîle impins (Pieri Menis, Sul agâr); o ai chel che mi baste par vivi e par tignî impins la speziarie (Alviero Negro, Int di masnade)
   Sin. tignî sù , tignî in pîts
   Cfr. tignî dret

Components:

• impins av., adi.inv.
• tignî v.tr., v.intr.