Dizionari de Lenghe Furlane

tignî in pîts    [CO]

1. loc.v. fâ stâ dret sui pîts:  [di vecjos] i vues e clopin e lis gjambis e àn il lôr ce fâ a tignîus in pîts (Toni Bidel, Lis maraveis dal 2000)
   Sin. tignî sù , tignî impins
   Cfr. tignî dret
   
   1. fâ stâ verticâl o te sô disposizion juste, ancje une plante, alc di inanimât, une struture e v.i.:  si vevin za mitût al lavôr; il pari cjaminant fin a mieza vita ne la aga, e plantant un dopo l'altri i palets che tegnin in pîts lis cjanis; e il fi stant ne la barcja (Federigo Comelli, Il me paîs)
2. loc.v. fâ stâ sveât
   Sin. tignî sù , tignî impins
   
   1. tignî impegnât in lavôrs
3. loc.v. dâ avonde fuarce di stâ sveât e di fâ ce che si à di fâ
   Sin. tignî sù , tignî impins
4. loc.v. (fig.) fâ stâ in funzion, fâ vê avonde risorsis:  Marchi, adun cun Marie Del Fabro (che al maridà intal 1951), al tignive in pîts la struture, al cjatave i bêçs par stampâ il gjornâl cun la publicitât e la vendite des copiis (Max Mauro, Felix Marchi e il sium dal furlan-furlan)
   Sin. tignî sù , tignî impins
   Cfr. tignî dret

Components:

• pît s.m.
• tignî v.tr., v.intr.