Dizionari de Lenghe Furlane

facoltât  fa|col|tât  [AF]

1. s.f. il podê o il savê fâ alc
   Var. facultât
   
   1. ognidune des abilitâts che a permetin di fâ alc:  l'om al à codificât, tal so DNA, la facoltât di fevelâ (Franc Fari, Il cjâf dai furlans)
      Sin. capacitât , abilitât¹ , pussibilitât
   2. situazion o cundizion che e permet di fâ alc:  al veve ancje vude la facoltât di jentrâ di cjase intal sisteme informatic dal so Dipartiment (Gianfranco Pellegrini, Fieste grande di fin Istât); lassâi al letôr la facoltât e ancje il plasê di interpretâ lis atmoferis, lis metaforis, lis imagjins (Laurin Zuan Nardin, Pierluigi Cappello, Amôrs, (cun dentri Il me donzel), Pasian di Prât 1999)
      Sin. oportunitât , ocasion , mût , maniere , pussibilitât
   3. cundizion di dirit che e permet di fâ alc:  decentrâ il plui pussibil la facoltât legjislative ai comuns e a lis regjons (Josef Marchet, …come che e diseve la gjate di Aquilee)
2. s.f. cuantitât di bens e di bêçs che si à:  chel siôr, viodêso, ja una facoltât di zincuanta mil flurins. Una ziarta aflizion domestica turba la sô vita, darès vulintîr la sô facoltât par acuistâ la pâs del cûr (Zuan Luîs Filli, Il diau sul Studeniz)
   Sin. patrimoni , stât² , proprietât
3. s.f. [TS] scol. tal ordenament dai studis universitaris, unitât didatiche che e met dongje ducj i insegnaments che a àn a ce fâ cul stes setôr di studis:  chei mês a rapresentin un moment di grande mobilitazion chenti pe rivendicazion de Facoltât di Midisine a Udin, prin pas par podê otignî daûr une Universitât complete (Renzo Balzan, Chei agns: la rivoluzion culturâl furlane)
   
   1. edifici sede dai insegnaments di une facoltât:  ur vevi za fevelât la Vierte prin, in plui ocasions, in incuintris ocasionâi tai coridôrs des facoltâts universitariis di Padue (Adrian Cescje, Memoriis di politiche linguistiche)