ocasion
/-òn/
o|ca|si|on / o|ca|sion
[FO]
-
s.f.
moment, circostance, situazion che a permetin di fâ alc:
nol veve resistût e a pene che i jere vignude la ocasion di slargjâ la sô proprietât al comprà la colonie (Pieri Menis, Sul agâr);
nus è capitade pes mans une ocasion di fâ un fregul di censiment (Josef Marchet, Dodis mil e cuatricent);
ocasions par batisi a 'ndi jere ancjemò tantis; vueris che a saressin sclopadis di sigûr ce ca ce là (Maria Forte, Cjase di Dalban)
Sin. câs
, cumbinazion
, maniere
, mût
, oportunitât
, pussibilitât
-
s.f.
circostance, situazion particolâr:
o vivìn e o sintìn lis robis e il cicli de nestre vite, de nassite al matrimoni e ae muart e a dutis lis ocasions de vite (Francesc Placerean, La glesie di Aquilee e je stade une mari che nus à fats nassi e cressi come popul);
i veve fitât la stanzie, e je vere, ma intune altre ocasion, intune circostance che le ves tocjade plui di vicin, salacor nancje jê no varès dismenteât ce che lui al jere stât (Carlo Sgorlon, Prime di sere)
Sin. câs
, moment
, situazion
, volte
, circostance
, fat1
-
s.f.
prodot vendût a pôc presit:
chê biciclete, a chel presit, e je pardabon une ocasion
Polirematichis e espressions idiomatichis
Proverbis:
- a la ocasion si cognòs i amîs
- la ocasion a maride il frari
- la ocasion e fâs l'om lari
- la ocasion e fâs l'om mestri
- par no lavorâ, i poltrons a profitin di dutis lis ocasions