Dizionari de Lenghe Furlane

fat¹  fat  [FO]

1. p.pass., adi. viôt fâ viôt fâsi
2. adi. che al à une cierte finalitât, destinazion e v.i.:  oparis di poesie orâl, fatis par jessi recitadis e scoltadis, no par jessi scritis e letis (Sandri Carrozzo, Pierluigi Visintin, Jentrade de Odissee); e je une facende, la musiche, fate pes animis plui altis (Ivano Urli, La musiche); il trapin a batarie fat a pueste par forâ il ciment (Ivano Urli, Storie di Min)
   Sin. adatât , just
3. adi. che al à inclinazion, talent par alc:  un fantat cussì alt, al è fat par zuiâ di bale tal zei
   Sin. adat , bon , taiât , just , puartât
4. adi. che al è stât puartât insom o che al è rivât insom:  i responsabii de radio a vevin di jessi contents pal lavôr fat (Max Mauro, Un Friûl difarent: i 90 mhz di Onde Furlane); lu cjapin a vore e il dîs di Novembar, sedis agns fats di pôc, al tache a lâ di Gurize sù e jù pe Alte Italie, frenadôr sui convois (Ivano Urli, Storie di Min); la Italie e je fate, e je une, e une sole (Riedo Pup, I furlans e il razisim)
   Sin. finît
5. adi. che nol è plui un frut, che al è te etât adulte:  sâr Zuantoni, vedul, bessôl, cun dute la sô robe tal soreli e i siei agns di om fat (Dino Virgili, La massarie)
   Sin. madûr
   
   1. riferît aes pomis, che a son maduris:  i fîcs a son biei grancj, ma ur mancje ancjemò un pôc prime di jessi fats
   2. che al è indenant intal so davuelizisi:  co Diu al à volût, a gnot fate o sin rivâts a Mestre (Pieri Somede dai Marcs, Sant Simon: 28 di Otubar 1917)
      Sin. colm , finît , plen , dut
6. adi. che al è di un ciert materiâl o di un ciert numar di elements:  il piorâr al soflave tun sivilot fat di scusse di morâr (Pieri Somede dai Marcs, Clâr e scûr); cheste redazion, marcade di Faggin cu la letare G, e je fate di 97 tercinis e di 1 cuartine (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
   Sin. componût , formât
7. adi. che al à une cierte forme di jessi o che al risulte di une cierte preparazion:  la int, che o savês come che e je fate, o si scjafoiave di ridi, o, daûr dai câs, e discocolave i voi (Fabian Ros, L'om che al pierdeve pinsîrs pe strade); bacò fat cul baston che par bevilu bisugne tignîsi (Alan Brusini, Il mâl dal tor); un purcitut fat su la gridele (Alan Brusini, Come tai romançs)
8. adi. che al è stât metût in ordin:  la puarte e jere vierte, il jet sui cavalets al jere fat (Pieri Menis, A uciei cu lis archetis)
9. adi. spec. ass., tal feminin, che al è sigûr, decidût in maniere definitive, che al è come za metût in vore o che al puarte risultâts inevitabii:  ca dentri al è un cjalt! E difûr al è un crût e une mufe. Si jes, e e je fate [si inmalisi] (Meni Ucel, Tant parom); "Si viodìno dopo par une bire?" "Fate!"
10. adi. (zerg.) che al è sot dal efiet des droghis:  al è colât par tiere, al jere fat di eroine
    Sin. drogât , sbalât

Polirematichis e espressions idiomatichis

• a fin fat loc.av., loc.adi.inv.

Proverbis:

• a paiâ denant trat, o tart o mâl fat
• al è miôr un cjaval fat che no un puieri mat
• amì de vore fate e nemì di chê disfate
• ancje cheste e je fate, al diseve chel che al veve maçât so pari
• bontimp fat di gnot nol dure trop
• ce che al è fat al è fat e no si po disfà
• ce che al è fat al è fat, nol è di fâsi
• cjase fate e braide disfate
• cuant che a son fatis si po contâlis
• cuant che no si sa i fats, si lasse la surîs ai gjats
• cui che al vûl vê lavôr mâl fat, che lu pai denant trat
• cui che si cure dai fats dai altris al trascure i siei
• cui le fâs, cui le cjate fate e cui le disfe
• cul timp si fâs dut: ancje il mont al è fat un pôc par volte
• dal dit al fat al passe un grant trat
• daspò di trê dîs l'Invier al è fat
• fat il plui si fâs ancje il mancul
• i bêçs a son fats par spindi
• i bêçs a son fats taronts par che a corin
• i voi a son fats par cjalâ
• il mâl fat plui si lu messede e plui al spuce
• il mont al è fat a scarpet: cui lu gjave e cui lu met
• il mont al è fat a scarpete: se al po te pete
• il mont al è fat a scjale: cui che al va sù e cui che al cale
• il mont al è fat a scjale: cui cres e cui cale
• il mont al è fat a scjale: un pôc si cres e un pôc si cale
• il pedrât dal infier al è fat cu lis crepis di fornârs, mulinârs e ostîrs
• il piruç co al è fat al cole
• il timp fat di gnot al dure tant che l'amôr dai viei
• il timp fat di misdì al dure dut il dì; il timp fat di gnot al dure tant che un cjaval di trot
• l'om al à fat la machine, la machine e cope l'om
• l'ultin tabâr al è fat cence sachetis
• la aghe e je fate par lavâsi
• la aghe e je fate pes 'savis
• la gnot e je fate pes bestiis
• la leç e je fate colpe dai triscj
• la lenghe e je fate par fevelâ
• la preson no je fate pai mus
• la vore fate ben nissun domande cetant timp che si à stât a fâle
• lavôr fat si lu cjate
• lavôr fat si lu cjate fat
• lavôr mâl fat al è timp pierdût
• lavôr mieç fat al è biel finît
• lis robis mâl fatis a cjaminin cui lôr pîts
• miôr une robe fate che no cent di fâsi
• ni la malatie ni la preson no àn mai fat un galantom
• opare ben comandade e je mieze fate
• plasê fat malvulintîr al è come la broade sfuarçade
• une peraule ben dite e juste une malegracie mâl fate