plen
/-è-/
plen
[FO]
-
adi.
di contignidôr o spazi, che al à dentri dut ce che al pues tignî:
un buinç cjamât di doi cjaldîrs di ram plens di aghe (Franca Mainardis, Grivôr);
salams e formadi e polente e socol e boçons plens di vin (Meni Ucel, La "Fieste dai Roncs");
si vicinà a la statue de Madone, al cjalà il plat plen di palanchis e di vincjutis e a 'nt cjapà sù dôs sgranfis (Riedo Pup, I furlans e lis sagris)
Sin. colm
, folcjât
, incolm
, jemplât
Cfr. râs
-
di ambient o sim., cuntune vore di int o cun tante int che no sta di plui:
Salvi lu veve presentât [il libri Le lingue tagliate] ancje a Tresesin, la zornade sucessive, denant di dusinte e passe personis intune sale plene (Adrian Cescje, Memoriis di politiche linguistiche)
-
adi.
che al à tantis robis dentri, intor, parsore e v.i.:
mio barbe ornitolic, vedran, al viveve cu la mari (mê none) intune cjase plene di grabatui, libris, gjornâi, scjaipulis (Checo Tam, MILAGRO!);
la sô femine ae casse […] pronte sui bêçs cu lis mans plenis di anei, a contâju, a sierâju tal cassetin che al sune (Alan Brusini, Par stradis lungjis)
Sin. fodrât
, folcjât
, colm
, incolm
, jemplât
-
adi.
che al à bondance di alc, sedi in riferiment a robis materiâls che a robis imateriâls:
la none [di Casanova] lu jude ancje plui indevant, cuant che al è a studiâ ae Universitât di Padue e al è, come ducj i students, plen di debits (Pierluigi Visintin, Friûl e furlans te Histoire de ma vie di Giacomo Casanova);
al jere plen di storiis e barzaletis di contâ, adatis a cualsisei situazion (Carlo Sgorlon, Ombris tal infinît);
une zornade plene di novitâts (Fabian Ros, Loreak, flôrs e cinise);
"Lassimi stâ, cjâr tu: o soi plen di facendis" (Guido Antonioli, Florean dal Palaç, I, 6)
Sin. cjamât
, cjariât
-
adi.
(fig.)
che al à une carateristiche, une sensazion, un sintiment e v.i. che si fâs sintî cun grande fuarce:
ducj i fruts si strenzevin un cul altri plens di pôre (Maria Forte, La aghe dal Ariul);
poesiis, a voltis umoristichis, a voltis plenis di amôr pe nature (Roberto Iacovissi, Pieri Çorut);
"Mi pâr che ogni robe e à la sô fin e che cui che nol mûr, si tornilu a viodi! " - al sentenziave Checo, plen di sodisfazion (Roberto Ongaro, Cretevierte)
-
adi.
(fam.)
che al à mangjât tant:
a Mestre a van a mangjâ. […] une pacjade di pes di mâr, che il frutat al jere plen come un gût (Anonim, Pieri dì Remanzâs in gjite)
Sin. passût
, suplît
, sglonf
-
adi.
(fam.)
che al à bevût tant di robe alcoliche:
cuant che tu sês plen, tu tornis a cjase misurant la strade e fevelant a fuart di bessôl (Josef Marchet, Lis predicjis dal muini);
daûr, tal puest nobil / tal lûc di favôr / plui plen di une cope / al rugne el Dotôr (Romeo Battistig (?), Ai Piombi)
Sin. cjoc
-
adi.
che al è fat di materiâl ancje dentri, che nol è vueit:
modons plens
Sin. penç
-
adi.
ben in cjar:
a viodilu te lûs cuiete dal mezât, la muse plene, la vôs mosside e la cjaladure turchine, al dave cussins a la anime (Maria Forte, L'aventari pal barcon);
un sen plen tant che il marmul (Fabian Ros, Eivissa mon amour)
Sin. cicinôs
, penç
, stagn1
, tarondin
, taront
, toful
, fis
, salt2
, dûr
, sglonf
-
adi.
di timp, che al è za indevant o che al è tal moment plui alt o centrâl:
a jevavin denant dì in plen Invier; ancje parcè che al jere plui frêt te cjamare cu lis lastris di carton, che no abàs, in cjase o te stale (Riedo Pup, I furlans e i frutins);
o vevi viodût un gnotul che mi svolave parsore dal cjâf in plene dì (Checo Tam, Neapolis)
-
adi.
(pop.)
tal fem., che e spiete un piçul o un frut:
a àn veglât te stale tantis gnots in spiete che al nassi un vidielut, no coparan mai une manze plene (Riedo Pup, Ocjo di no pintîsi);
ogni volta che al torna, ogni volta i soi plena / - un frut inta panza e vot sù pa schena (Giorgio Ferigo, Taresia di Val Vezil)
Sin. dopli
, incinte
, gravide
-
s.m.
part centrâl o fase plui alte, fuarte, complete e v.i.:
la ocasion che al spietave e rivà tal plen dal Istât (Roberto Ongaro, Cretevierte);
o cirivi di figurâmi mê mari cul so pas franc, intal plen de sô zoventût - cussì, cemût che mi visavi di une fotografie di chei agns (Gianni Gregoricchio, Trê feminis)
Sin. colm
, cûr
-
s.m.
cjarie complete:
al torne indaûr cul plen di benzine e cuntune steche di spagnolets (Bete di Spere, Zenvrâr. Il mês dal Unpardoi)
-
s.m.
misture di mangjative, pal solit taçade o masanadis, che si met dentri di pastis, tortis, cjar e v.i.:
il strudel cussì bon, cul plen che al si dislideva in bocja (Novella Cantarutti, Il pan da la Guda);
dindiat cul plen (Anonim, Menù di Natale - Friuli nel Mondo, XIV, 374)
Sin. farse
Cfr. pistum
Polirematichis e espressions idiomatichis
Proverbis:
- al fale ancje l'altâr sul predi cun dute la int plene di glesie
- cjantâ no si po ben cuant che il stomi nol è plen
- di bogns proponiments al è plen cjadaldiaul
- di buine volontât al è plen cjadaldiaul
- il cjamp plen di jerbaç e il prât grintôs a palesin il paron oziôs
- il cjamp plen di jerbatis e il prât grintôs a palesin il paron oziôs
- in cjase plene si sta pôc a fâ di cene
- l'om al cjante cuant che al è plen e la bote cuant che e je vueide
- la canicule se e cjate vueits i agârs ju implene, se ju cjate plens ju disvuede
- no si po vê il caratel plen e la massarie cjoche
- no si po vê la femine cjoche e il caratel plen
- o di fen o di vene la panze e à di sei plene
- o di stranc o di fen, il stomi al à di sei plen
- panze plene no i crôt a panze vueide
- par che al sedi plen bisugne che al spandi
- pôc e bon e plen un podin
- si da la rassadorie cuant che e je plene la misure
- si sta pôc a fâ di cene cuant che la cjase e je plene
- stale plene e cjast plen, stale vueide e cjast vueit
- une volte plui valeve cui che lungje le saveve, cumò al vâl ogni cretin che al à plen il so tacuin