Dizionari de Lenghe Furlane

dopli  /-ò-/  do|pli  [FO]

1. adi. che al è dôs voltis plui grant:  al tornave jù cu la velocitât dople di un altri (Enrico Martina, Ricuarts e inlusions); i tocjava fâ dopla fuarça par superâlu (Federigo Comelli, Il me paîs)
   
   1. s.m. cuantitât dôs voltis plui grande, al pues vê une specificazion ancje cence la preposizion:  la blave e fâs plui dal dopli rispiet al forment (1500-2000 kg/ha pe blave, 700-1000 kg/ha pal forment) (Rino Gubiani, Studi da la evoluzion dal paisaç mediant i toponims); spaçâ il dopli di vore (Luigi Gortani, La ospitalitât); o ai il dopli libris di te (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
2. adi. formât di doi elements compagns o simii:  la dople pagjine "Maman" sul setemanâl "Il Friuli", cun leturis, curiositâts e zûcs par frutins (Erika Adami, La lenghe furlane tai mieçs di comunicazion); par une cleve a pene di rive jù, al jere il boscut dal rocul, imbraçât di ca e di là des doplis filis di çamars (Adrian Cescje, Memoriis di politiche linguistiche)
   Sin. zimul
   
   1. s.m. robe formade di doi elements:  e sbrissà vie pal dopli dai morârs (Maria Forte, Cjase di Dalban)
3. adi. [BF] (fig.) di femine, che e spiete un frut, soredut se no je maridade
   Sin. plen
   Cfr. mâl dai doi fiâts
4. adi. che al à lis stessis carateristichis di alc altri, soredut di alc che si à za:  scambiâ lis figurinis doplis
   Sin. compagn
   
   1. robe compagne di une altre:  scartâ i doplis
   2. copie di un document:  tignî il dopli dal contrat
      Sin. copie¹
   3. persone compagne di une altre:  cjalilu li, al è il dopli precîs di so pari
      Sin. copie¹
5. adi., s.m. di alc o cdn., che nol è sclet, che al plate la veretât:  te bielece di Geneviève cumò plui di mai o vualmavi alc di dopli e di pericolôs (Carlo Sgorlon, Il dolfin)
   Sin. ambigui , cuviert , di dôs musis , ipocrit , bausâr , fals
6. s.m. sclope di cjace di dôs canis:  al lave daûr dal cjan, e cuant che lu viodeve in ferme, al tirave jù il dopli e al stave in spiete, fer ancje lui (Carlo Sgorlon, Prime di sere)
   Sin. doplet , doplete
7. s.m. butilion di doi litris:  al passe il timp e cul timp i doplis dal friularo poderôs che al travane il bultric (Arturo Feruglio, Viaç a Vignesie)
8. s.m. part li che alc al è pleât su se stes e al forme doi strâts:  pleâ a un, a doi, a trê doplis (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. plee
9. s.m. cun prime un numar e cun valôr moltiplicatîf, dispès insiemi cun averbis di comparazion:  il dan che fan [lis furmiis] l'è ricompensât di mil doplis dal vantaç che puartin cul distruzi ciarts insets e specialmenti li ruis (Giuseppe Ferdinando del Torre, Il contadinel. Lunari par l'an 1859)
   Sin. volte , viaç
10. s.m. [BF] tiessût bilisiât pe blancjarie di cjase:  lasse fûr il dopli che nol è ancjemò ben sut (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
11. s.m. [TS] lit. rituâl liturgjic plui nobil e solen
12. s.m. [TS] lit. sunade di dôs o in câs di plui cjampanis che a sunin insiemi, cun glons alternâts o coordenâts:  lis cjampanis, che a vevin sunât in dopli cuasi dut il dì, si jerin fermadis (Pieri Somede dai Marcs, A jerin lagrimis)
13. adi. [TS] bot., zool. di orghin vegjetâl o animâl, dividût a metât:  çucul dopli
14. adi. [TS] bot. di rose, che e à i stams che a cjapin la forme di pics:  lis stroncjis pustotis tal ricès des muraiis, a devin violis doplis par meti tai creps su lis taulis preparadis (Alan Brusini, Come tai romançs)
    
    1. di infloressence des Compositis, che e à lis rosis tubulosis che a son trasformadis in liguladis
15. adi. [TS] ling. di sun, spec. di consonante, che e dure di plui di chê semplice:  par talian e je une consonante dople che e ven dividude (Paolo Roseano, La division in silabis dai sufìs -sion e -zion tal Grant Dizionari Bilengâl Talian - Furlan)
    
    1. gram. di segn grafic, che al rapresente chel sun, cuntune secuence di dôs letaris compagnis:  ancje il prin Çorut al doprave vocâls doplis propit intun dai câs che o studiìn: cuur, fuur, … (Xavier Lamuela, La grafie furlane normalizade)
16. s.m. [TS] sport tal tenis e tal ping pong, partide cun cuatri zuiadôrs, doi cuintri doi:  zuiâ un dopli
    
    1. cubie di zuiadôrs che a zuin cuintri di une altre cubie
17. s.m. [TS] sport tal canotaç, la canoe cun doi vogadôrs
    Sin. doi a doi , doi di cubie
    
    1. ecuipaç che al voghe su cheste canoe
       Sin. doi a doi , doi di cubie
18. s.m. [TS] zûcs tal bridge, dôs cjartis cul stes pâl
19. s.m. [TS] zûcs tai scacs, situazion li che un toc a 'nd menace doi di chel altri colôr:  cuant al è il cjaval che al atache doi tocs tal stes moment, si dîs che il cjaval al da "un dopli". (Nilde Teresa Negro, Zuìn di scacs)
20. s.m. [TS] zûcs tal domino, toc che al à chel stes numar tes dôs caselis
21. s.m. [TS] tipogr. peraule ripetude par erôr
22. s.m. [TS] let., psic. aspiet in oposizion e complementâr di une persone o di un personaç de leterature:  [il cjapitani] mi veve contât dal so sintiment che al esistès un dopli di se, un altri cjapitani che nol veve mai dadis lis dimissions de armade (Carlo Sgorlon, Il dolfin)
23. s.m. [TS] teatr. part assegnade a di un atôr che a 'nd à za une altre te stesse rapresentazion

Polirematichis e espressions idiomatichis

• a dople trade loc.av.
• a fîl dopli loc.av.
• ad in dopli loc.av., loc.adi.inv.
• ad in doplis loc.av., loc.adi.inv.
• cul fîl dopli loc.av.
• polmonite dople loc.s.f.
• tirâ jù a cjampanis doplis loc.v.
• viodi dopli loc.v.