copie1
/cò-/
co|pi|e
[AF]
-
s.f.
dissen, piture, sculture o altri manufat che al riprodûs un origjinâl:
la statue di Zeus e fo menade vie a Costantinopoli tal 395 […] e cierts storics a sostegnin che e fo distrute intal incendi de citât dal 475. Noaltris le cognossìn pes copiis che a forin fatis (Adrian Cescje, Viaç aes origjins dal Logos)
Sin. dopli
, imitazion
-
test che al ven scrit compagn, o plui o mancul compagn, di un test origjinâl:
par cheste poesie [Soneto furlan], salacor dal XIII secul, che nus je rivade intune copie dal XV secul, o doprarìn la edizion di Silvio Pellegrini (Zorç Cadorin, Cualchi ipotesi sul furlan di prin di scrivilu)
-
s.f.
ogni singul esemplâr di alc produsût o riprodusût compagn in plui esemplârs:
"Pense al lunari ve, macaron! … E viôt di vendi plui copiis che tu puedis! … Cun chês palanchis e metarìn a puest cualchi tacon!" (Arturo Feruglio, In cîl e je une stele!…);
Dario Zampa […] al è rivât, in 30 agns, a vendi 150 mil copiis dai siei discs (Piero Cargnelutti, Cualis lidrîs par cuale alternative?)
-
s.f.
(fig.)
robe o persone une vore simile o compagne di une altre:
cualchidun al podarà pensâ che, in cheste maniere, i fîs no puedin jessi altri che la copie dai gjenitôrs (Francesc Placerean, Cemût tirâ sù i fîs in cheste ete)
Sin. miluç sclapât
-
ce che al ven fat lant daûr di un model cence nissune origjinalitât:
[la universitât di Udin] e veve di jessi la scune de classe dirigjente e strument specific di cressite de culture furlane, e à sierât i cors plui indicatîfs e di prospetive, deventant la copie di un dai tancj ateneus sparniçâts fûr pe Italie (Dree Valcic, Il gjal al cjante trê voltis)
Sin. imitazion
Polirematichis e espressions idiomatichis