bausâr
bau|sâr
[FO]
-
adi., s.m.
che, cui che al dîs robis falsis di pueste:
libertin, sglonfebufulis, bausâr par vizi, […], al jere ben acet in societât, parcè che al saveve contâ robis spiritosis (Pierluigi Visintin, Friûl e furlans te Histoire de ma vie di Giacomo Casanova);
o sin sglonfs come botis di propagande nazionalistiche sfuarçade, vueide e bausarie (Josef Marchet, Blestemis);
e drece un dêt in direzion de mê muse: "Bausâr", mi dîs, "bausarat! Vele li la bausie che i cor jù pal nâs!" (Meni Ucel, Africhis)
Sin. balonîr
, falope
, fals
, dopli
, muse di dôs musis
, imbroion
, ingjanadôr
, ipocrit
, mintidôr
-
adi.
di discors, ategjament, espression e v.i., cence scletece, palesât par fente:
il sartôr invezit lu tratave come se a fossin vecjos amîs, cuntune ligrie che a lui i pareve sfuarçade e bausarie (Carlo Sgorlon, Prime di sere)
Sin. cutin
, dopli
, fint1
, ingjanôs
, jesuite
, mat
, pustiç
, scosagn
Proverbis:
- al bausâr no si po crodii nancje il vêr
- al bausâr no si po crodii nancje la veretât
- cui che al è bausâr al è ancje lari
- cui che al zure simpri al è bausâr
- cui che nol fâs bausiis nol crôt nissun bausâr
- cui che si ustine cul mangjâ al reste bausâr
- il bausâr al scuen vê buine memorie
- il bausâr nol è crodût nancje cuant che al dîs il vêr
- sartôrs e cjaliârs a son simpri bausârs