fals
fals
[AF]
-
adi.
che nol è vêr, che nol corispuint ae veretât o ae realtât o ancje ae coretece:
al è fals ce che la stampe e ancje la radio a van disint, che nô o fasìn di bessôi. No! O vin bisugne di ducj (Francesc Placerean, Il Friûl taramotât al à bisugne di ducj, ma al à di aministrâsi di bessôl);
lis informazions si scancelin par moltiplicazion, par difusion cence padin, nol impuarte se a son veris o falsis (Mario Turello, Il brevet);
cheste retoriche cence soliditât, in part false in part vueide, no po menâ (Josef Marchet, La sgarfade dal cjan)
-
che al è une imitazion:
l'arint che al lusive sul plan di fals granît e che al veve a pene finît di sglinghinâ (Roberto Ongaro, Cretevierte)
-
che al è simulât, che al cuvierç une realtât diferente:
un dûl grant i messedave il stomi e la sô false cuiete e jere une patine malinconiche (Maria Forte, Cjase di Dalban)
-
adi., s.m.
che, cui che nol è sclet, che nol dîs la veretât o che si compuarte in maniere di fâ pensâ alc di diferent de realtât:
«Aio di clamâ il miedi?» e domandave a gno barbe, premurose e false (Pieri Menis, Agne Ursule);
al dîs che o soi un trist, / un fals, un disleâl, un arivist (Meni Ucel, La reson)
Sin. dopli
, pustiç
, ipocrit
, bausâr
-
che al fâs fente intun ciert compuartament:
inte storie de glesie a àn zovât plui i eretics e i disubidients che i fals ubidients, che a tasevin dome par no vê rognis (Antoni Beline, Mestri di resistence inteletuâl)
-
s.m.
ce che nol è vêr:
o cirivi di disglagnâ il vêr dal fals in dut ce che al diseve (Alan Brusini, Gian Paolo Linda, I forescj);
intant, jenfri un an e une dì Silveri al tire i sghirets, come che ur tocje a di chei che a zurin il fals (Josef Cjargnel, La mont cu la spice discrodeade)
Sin. bausie1
, falsetât
, fente
, imposture
, ingjan
, imbroi
-
s.m.
copie di un origjinâl, tant che une opare di art, un document, une firme e v.i.:
il cuadri origjinâl al è in restaur, in esposizion al è un fals
Sin. falsificazion
, riproduzion
, copie1
-
s.m.
[TS]
dir.
reitât di falsificazion o di vê declarât cuintri il vêr in judizi o in ats publics:
al è stât un procès par fals e trufe cuintri un puar diaul di Cividât (Guido Antonioli, Florean dal Palaç, II, 9)
-
s.m.
ingjâf, part vueide:
il miedi le scolte. I poie jù la orele daûr, jù pe schene; i fâs dî «trentatrè»; po une plere tal fals dal cuel e la orele parsore (Meni Ucel, Tant parom);
bati la drete tal fals dal braç çamp (Pierluigi Visintin, La grande aventure dal contadin di Daleniis);
al veve scuindût la robe intun fals dal mûr (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Proverbis:
- cui che al zure il fals al mûr dentri di un an e un dì
- i fals amîs a son come lis moscjis: fin che a cjatin di mangjâ a stan in cusine