Dizionari de Lenghe Furlane

falope  /-lò-/  fa|lo|pe  [AF]

1. s.f. [TS] zoot., tess. galete restade a mieç par vie che il cavalîr al è muart e fibre, filât o tiessût di seconde sielte che si oten di chê galete:  a ghi devin un bol ta la cjaldiera de la lissiva, e a tiravin sù chela che a doventava falopa e bavela (Pietro Nonis, Li femini)
   Var. valope , volope
   Cfr. bavele
2. s.f. [TS] agr. grignel malformât:  nei spics de siale che vevin flurît cun ploiis di lungje durade, si cjate trope falope (Giuseppe Ferdinando del Torre, Il contadinel. Lunari par l'an 1859)
3. s.f. (pop.) azion fate mâl, che e va cuintri di ce che al è ben, just, coret e v.i.::  la burocrazie e jere fate di pocjis cjartis, di disposizions claris, di personâl rispietôs, dret e svelt, ben sielzût, ben paiât e ben cjastiât se al faseve falopis (Josef Marchet, Cuintristorie dal Friûl fin sot la Italie); dome Gusto al spesseà a scrivi al fradi che, par lui, la vuere e jere une grande falope e che si lu varès capît in curt (Maria Forte, Cjase di Dalban)
   Sin. erôr , fal¹ , capele
   Var. folope
   Cfr. becanele , becanot , cjantonade , strambolot , pecjât , colpe
   
   1. element, detai che al è fat mâl, che al è un difiet:  cuant che Catine e veve finît, cundut da lis falopis che dal sigûr i jerin scjampadis, il toc i pareve che al fos la miôr robe che e veve scrite in vite sô (Raffaele Serafini, Contis sot spirt)
      Sin. erôr , mende , difiet , pecje , fal¹
4. s.f. [BF] robe inventade par ridi o par imbroiâ:  credimi, Blâs, cheste no è falope (Ermes di Colorêt, I, 164)
   Sin. bagule , bausie¹ , cabule , luianie , bufule , naine , sflocje , flabe , sflandogne
   
   1. persone che e conte robis inventadis
      Sin. falopon