capele
/-pè-/
ca|pe|le
[AF]
-
s.f.
piçule costruzion cun funzion religjose:
a poderin tirâ sù, no us disarai une gleseone, ma cussì… une gleseute, une capele, insome (Luigi Gortani, Il Deu di Cjargne);
[il pizighet] al jere sentât tal soreli denant de capele mortuarie (Pieri Menis, Un macet di sanmartinis)
Sin. gleseute
Cfr. ancone
, capitel
, maine
, statue
-
s.f.
struture a cube dentri di une glesie:
un artist di prime sfere, chel che al à piturade la capele dal Domo (Costantino Smaniotto, Co l'amôr al cimie)
-
s.f.
ecl.
assemblee di vescui e dignitaris de Glesie catoliche co a son funzions cun ancje il Pape
-
s.f.
[TS]
mus.
orchestre o corâl di musiche sacre leâts a une cierte sede eclesiastiche:
i vicjaris des trê Diocesis furlanis a celebraran insiemit tal Domo une Sante Messe […] cjantade de Capele Musicâl di Sante Marie Maiôr (Redazion La Patrie dal Friûl, Fieste de Patrie dal Friûl: dut il programe)
-
s.f.
part terminâl e di forme plui o mancul taronde:
cualchi gusielon cu la capele (Dino Virgili, La aghe da pît la cleve)
-
part superiôr dal fonc
Sin. cjapiel
-
part terminâl dal orghin sessuâl masculin
-
s.f.
erôr grues o compuartament fûr di lûc, soredut se nol è fat di pueste o in cussience des consecuencis:
il buiat al è stât un sant om, ma al à fate la sô capele ancje lui: al è stât disertôr! (Riedo Pup, Sant Pieri e il buiat);
lu àn mandât in Albanie, là che al à di vê fate cualchi capele di chês grandis. Mi pâr che al è scjampât lassant il codiç diplomatic tes mans dai nemîs (Antoni Beline, La fabriche dai predis)
Sin. becanele
, becanot
, cjantonade
, erôr
, fal1
, strambolot
, svari
, falope