cjapiel
/-ièl/
cja|piel
[FO]
-
s.m.
toc di vistiari che si met tal cjâf, che al pues jessi di diviersis formis, dimension, colôr, materiâl e v.i., daûr de mode e de funzion:
une siore elegantissime cun pelice, guants e cjapiel cu lis plumis (Alan Brusini, Amîs come prime);
ogni tant, cjapiel cu la plume nere sul cjâf, al leve a cualchi adunade, a mangjâ une gavete di pastesute cui amîs, a bevi un bocâl insiemi (Alan Brusini, Par stradis lungjis);
un trop di personagjos vistîts a neri, cun cjapiel a cilindri lusint (Pieri Menis, Une letare par Bepo);
lu cjalavin tai voi, i disevin dome: - Bundì, siôr cont - cu la man dongje la ale dal cjapiel, parcè che e je creance saludâ (Dino Virgili, La aghe da pît la cleve)
Cfr. ale
, fassete
, cube
, cop2
, cope1
, fonts
, gale1
, barete
, cane
, mieze nole
, cjapiel dûr
-
cuantitât di robe che e sta tun cjapiel:
un cjapiel di nolis (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.m.
part di alc che e sta parsore:
il cjapiel dal lambic
-
s.m.
formazion di nûi che e tapone la spice di une mont:
al spietave di començâ lis funzions cuant che e fumave la Vuese, ven a stâi cuant che la mont dal Jôf e veve un biel cjapiel di nûi sirocâi (Riedo Pup, I furlans e il timp)
-
s.m.
[CO, TS]
micol.
part superiôr dai foncs:
la variante Amanita Muscaria Aureola no à lis sborfadis blancjis sul cjapiel (Franc Fari, Il cjâf dai furlans)
-
s.m.
organizazion, autoritât di nivel superiôr:
proviodi al superament de division des competencis in tancj uficis e coordenâ pluitost i diviers intervents sot di un sôl cjapiel (Donato Toffoli, Relazion dal Grup di lavôr "Planificazion linguistiche")
-
s.m.
introduzion, pal solit avonde svelte:
lassaitmi fâ un cjapiel sul argoment di cheste cunvigne e dopo o lassarai dut il timp ai relatôrs di usgnot
-
s.m.
complès des scussis di ue che a son pôc plui lizeris dal most e che a stan parsore intant che il most al bol:
ricjalcjâ il cjapiel sul principi de fermentazion (Giuseppe Ferdinando del Torre, Il contadinel. Lunari par l'an 1867)
Sin. trape
-
s.m.
[TS]
stor., amin.
tribût individuâl che al veve di paiâ ogni om jenfri vincjeun e sessante agns
-
s.m.
[TS]
bot.
tal pl., plante salvadie cun fueis in forme di cûr, che si pues mangjâ, lat. sient. Arctium lappa
Sin. lavaç dai cais
, lavaç dai riçs
, lavaç dai lacais
Polirematichis e espressions idiomatichis
Proverbis:
- bisugne fâ il salût seont il cjapiel
- cuant che la Mariane e à il cjapiel, met jù il falcet e cjol sù il ristiel
- cuant che lis monts a àn il cjapiel, met jù la pale e cjol sù il ristiel
- cuant che si metisi a fâ cjapiei, e nas la int cence cjâf
- dulà che il pari al met il claut il fi al picje il cjapiel
- fidance di altris, cjapiel di mat
- se l'Ambrusêt al à cjapiel, ploie sigure
- sperance dai altris, cjapiel di mat
- tancj cjapiei e tancj cjistiei