Dizionari de Lenghe Furlane

cane  ca|ne  [AF]

1. s.f. struture cilindriche, vueide dentri vie, pal solit doprade tant che condote:  a jerin lambics, canis di ram o di veri, e vâs di ogni misure. "Fasistu la sgnape di scuindon?" (Carlo Sgorlon, Ombris tal infinît)
   Sin. bocan , canon , canul² , condote² , canel , canele⁴ , cjanul²
   
   1. condot, ancje di forme no cilindriche:  il spacecamin al furigave sù par chê cane nere (Roberto Ongaro, Cretevierte)
2. s.f. condot des armis di fûc:  si cjatà a vê une cane di mitra che i pocave la panze (Roberto Ongaro, Il muc)
3. s.f. toc lunc orizontâl dal telâr de biciclete
4. s.f. intune clâf, la aste che di une bande e à la mantie e di chê altre il pietin
5. s.f. cjapiel elegant a forme di cilindri cun ale piçule:  chê vualece là [i siôrs], in cane e baguline (Dino Virgili, La aghe da pît la cleve)
   Sin. canute
6. s.f. (fig., pop.) la faringje o la laringje:  "Oh! là sgnape, oh là sgnapine tu tu sês la mê ruvine e cjo alore par condane, va jù, cor par cheste cane" (Pieri Somede dai Marcs, A la oselade)
   Sin. cane dal cuel , glotidôr , pive
   
   1. ultin toc dal intestin:  e alore chel che le pie te cane e je simpri la puare int che no à colpe (Tarcisio Venuti, La cjase di Toni)
7. s.f. (zerg.) spagnolet di droghe lizere:  no je mighe vere che un che al scolte rock al à par fuarce di fâsi lis canis (Checo Tam, La maree nere)
   Sin. canon , spinel

Polirematichis e espressions idiomatichis

• a plene cane loc.av.
• lâ di cane loc.v.
• lâ une cane loc.v.
• tirâ sù di cane loc.v.

Proverbis:

• in cent mil par un fasan a àn la cane pronte in man