pive  pi|ve  [CO, TS]

  1. s.f. mus. strument a flât formât di une cjane cun plui busis, ancje cun sens gjeneric par cualsisei strument a flât:  e chês pivis, e chês trombis, / e chel son di chel tambûr, / saran chês lis mês cjampanis, / in cuâl ore che jo mûr (Popolâr - Valentino Ostermann, E chês pivis, e chês trombis - Villotte friulane); une pive che e sarà une ocarine, un oboe o un clarin (Alan Brusini, Passion pe musiche)
    Cfr. flaut , pifar
  2. s.f. mus. element de imbocjadure di un strument musicâl, che vibrant al prodûs il sun
    Sin. lenghete
  3. s.f. mus. ognidun dai tubui che a fasin jentrâ o lâ fûr l'aiar de cuarnamuse:  bulziche: strument musicâl a flât, formât di une piel di piore e dôs o trê pivis (Redazion Patrie dal Friûl, Peraulis dificilis, in Patrie dal Friûl, 1/9/1946)
    1. (meton.) cuarnamuse dute interie:  une croniche nus conte che sul finî dal secul XV, intun vilaç irlandês, lis fadis a scombaterin cuintri dai soldâts sunant la lôr pive, intonant i lôr incjantaments druidics (Angelo Floramo, La cuintristorie de ocupazion veneziane); la gaita, la pive tipiche di cheste zone [de Galizie] (Marc Stolf, La mê lenghe e sune il rock)
      Sin. baghe , cuarnamuse , totorosse
  4. s.f. (fig., scherç.) gole, cuel, tant che orghin di fonazion e tant che glotidôr:  "Cjâr siôr cont, al è un pieç che si sgosìn / e o vin bisugn di rinfrescjâ la pive, / siôr cont nus po capî..." / Jo ur fasei puartâ fûr un cuinç di vin (Pieri Çorut, Une gnove citât in Friûl - Il gustâ); e cumò bagnìn la pive, / e po dopo alcìn la vôs, / intonant un lunc evive, / ma di cûr a chescj doi spôs (Zaneto, Par gnocis)
  5. s.f. mani di coce o altri toc di len o di altri materiâl intaiât par dâ fûr un sun
    Sin. sivilot
  6. s.f. cilindri vueit lunc e fin, par supâ o par soflâ:  al pareve che i ves supât sù il çurviel cu la pive (Sergio Cecotti, Il President)
    Sin. fros
    1. cualsisei robe che e vedi forme di cilindri vueit:  roseâ li pivis da la blava (Nelso Tracanelli, La gheta dal Mutaron)
      Sin. cjane , tubul , canele
  7. s.f. [TS] edil. struture provisorie di supuart e di sburt fate di doi trâfs fissâts in forme di T
  8. s.f. [CO, TS] micol. fonc tubulâr colôr coce, cun cjapiel a plere maron, des speciis Cantharellus lutescens e Cantharellus tubaeformis
  9. s.f. [CO, TS] bot.com. plante e rose che e sflorìs su la fin dal Invier, dal gjenar Primula, soredut in riferiment ae specie Primula acualis:  a jerin a spalancâsi lis pivis sul ôr dai trois sù e jù pai roncs, lis violis a inemorâti sui rivâi e sui remis (Meni Ucel, La "Fieste dai Roncs"); lis primis pivis tai ricès de Riviere, e cualchi violute colôr latisin sù pai rivâi (Osiride Secco dai Juris, Lis antighis sagris di Tarcint)
    Sin. pestelac , pestelacje , rose di madrac , flôr di Primevere , gjalut , primevere , primule , pivicje , pastel2 , pivete
    Cfr. busule
  10. s.f. [CO, TS] bot.com. (or.) viôt cidivoc
  11. s.f. (fig.) orghin sessuâl masculin:  se mi scjaldi il schenâl, glaci la pive, / e no cjati rimiedi miei di chest: / di stâ inte cove dongje une piel vive (Ermes di Colorêt, I, 40)
    Sin. bighe1 , caz , afâr , argagn , uciel , parussul , brucje , cai , mani , britul , coni , cotâl , cuaiat , çoçul , çus , pandolat , parussulat , pisse , salsiç , sivilot , cudumar , bigul
Polirematichis e espressions idiomatichis