Dizionari de Lenghe Furlane

cai  cai  [AF, TS]

1. s.m. zool.com. non comun di plui speciis di moluscs gasteropots di tiere, cun scus in forme di spirâl:  un cai lava sù par un arbul. Faseva un pôc di strada, po si fermava (Federigo Comelli, Il me paîs)
   Cfr. caiesse , busachele , lacai
   
   1. (ancje fig.) in espressions par dî di alc o di cdn. che al va une vore a planc:  la ricostruzion materiâl e va indenant come il cai, chê morâl come il gjambar (Josef Marchet, Preambul rusin); lis gnovis a corevin cu la presse dal cai, in chê volte (Gianni Gregoricchio, Trê feminis)
      Sin. tartaruga
2. s.m. piçule pipe di fumâ:  na not al rivà uì da cjasa Basili, il pi vecju da la vila; al si sentà su la bancja, al impià il cai […] (Novella Cantarutti, I cjans di not)
3. s.m. (coloc., eufem.) membri sessuâl masculin, ancje in esclamazions o blastemis, tal puest di peraulis ancjemò plui volgârs:  «Vêso di tignî il vuestri cai tal bombâs?» «Ma viôt ce volgaritât, siôr Sengar!» (Franco Marchetta, Il numar 1089)
   Sin. bighe¹ , caz , afâr , argagn , uciel , parussul , brucje¹ , bigul , mani , britul , coni , cotâl , cuaiat , çoçul , çus , pandolat , parussulat , pisse , salsiç , sivilot , cudumar , pive , cjossul , imprest¹ , vêt , polam , salam , luianie , muiûl , tananai , sbrissul
   
   1. in espressions che a vuelin dî nuie, nissune robe, nissun valôr e sim.:  e ditatôr, in plui; / e presuntuôs; e che no vâl un cai (Meni Ucel, Ripics)
      Sin. boro , borse , busignele , fave , ghele , malandrete , ostie , potigne , osti , nuie , bighe¹ , bigul , caz , clostri , cali

Polirematichis e espressions idiomatichis

• a cai loc.adi.inv., loc.av.

Proverbis:

• che Diu nus vuardi des cuarnadis di cai
• Diu nus vuardi dai scalçs di piore e des scuarnassadis di cai
• Diu nus vuardi des scuarnassadis di cai
• il rimiedi pai cais e je la scarpe largje
• la prime ploie di Avrîl il cai al salte fûr dal so covîl
• par rivâ a ciertis altecis o bisugne fâsi cais o ben jessi acuilis