Dizionari de Lenghe Furlane

nuie  nu|ie  [FO]

1. pron.indef. nissune robe:  al restà li cence rivâ a dî nuie (Agnul di Spere, Istât); nuie nol zovave a confuartâle (Franca Mainardis, Un bosc cence colôrs)
   Var. nie
   
   1. nissune robe impuartante, ancje in rispuestis di cortesie o tant che intercalâ:  "Alore, ti ise colade la lenghe? Ce vevistu di dîmi, di chê sbrinzie di fantate?" "Ah, nuie, nuie… o disevi par dî alc." (Roberto Ongaro, Cretevierte); "[…] dovês scusâ se us ai fat vignî fin ca, o ai di dâ une rispueste urgjente, e no pues movimi di culì […]" "Oh nuie, soi vignût vulintîr." (Pieri Somede dai Marcs, A la oselade)
2. pron.indef. in proposizions interogativis, dubitativis e v.i., cualchi robe:  ti aie dit nuie comari Sante? (Angelo Covazzi, Il fioç svilupât); cemût volêso che o cjati nuie inte dispense, se no sai ricuardâmi di vê purcitât? (Catarine Percude, La fuiace de Madone)
   Sin. alc
3. s.m.sing. pocje o nissune impuartance, influence, valôr, intensitât, durade, dimension e v.i.:  chê culine o culinis che tal prin a son altis di un nuie sul plan e che po a van alçantsi fin a insedâsi te mont, il Cjampeon (Meni Ucel, La "Fieste dai Roncs")
   
   1. persone che no vâl, che no sa fâ:  ma cui jerial chel mestri? Un pivel! Ce rapresentavial? Un nuie! (Meni Ucel, Il discors)
4. s.m.sing. mancjance totâl di alc o di dut:  une citât gnove, vignude sù dal nuie (Angelo Floramo, Cuintristorie dal Nûfcent 1950-1960)
   Sin. vueit
5. adi.indef.inv. nissun, nissune:  nuie autonomiis, duncje, pes regjons talianis: al bastarà un freghenin di decentrament (Josef Marchet, M la autonomie); nuie pôre, siôr Lucchini, mi paiarà cuant che al varà vendût dut (Carlo Sgorlon, Ombris tal infinît)
6. av. nancje un pôc:  no je vere nuie, siôr comissari (Alviero Negro, Int di masnade); chê cjançon no jere nuie mâl (Agnul di Spere, L'avignî di Antoni Cossâr); Toni, no sta nuie ben la vuestre femine savêso (Pieri Somede dai Marcs, Vilie di Nadâl (teatri))
   Sin. cree , fregul , gran , par nuie , piç
   
   1. (enf.) ancje in espressions di negazion gjeneriche o assolude:  "Vuê no ai timp, tornait doman." "Ma…" "Ma nuie, no ai timp di pierdi" (Pieri Somede dai Marcs, Un pugn di moscjis)

Polirematichis e espressions idiomatichis

• bon di nuie loc.s.m., loc.adi.
• come nuie loc.av.
• cui sa nuie loc.av.
• cuissà nuie loc.av.
• da la ombre loc.adi.inv., loc.av.
• lâ in nuie loc.v.
• no vê nuie ce invidiâ loc.v.
• no vê nuie di invidiâ loc.v.
• nuie altri loc.pron., loc.av.
• nuie di mancul loc.av., loc.inter.
• nuie di nuie loc.pron., loc.av.
• nuie mâl loc.av., loc.adi.inv., loc.inter., loc.pron.
• nuie mancul loc.av., loc.inter.
• par nuie loc.av.
• par pôc e par nuie loc.av.
• pôc o nuie loc.av., loc.pron.inv., loc.adi.inv.
• polente cence nuie loc.s.f.
• sore nuie loc.av., loc.adi.inv.

Proverbis:

• a cui che al zure, crodii pôc; a cui che al sperzure, crodii nuie
• a dî ben nol coste nuie
• a lâ a cjase cence nuie, la cjase e vai
• a volê ben nol coste nuie
• a volêsi ben nol coste nuie
• al è mâl tant crodi dut che no crodi nuie
• al è miôr pan cence nuie che no nuie cence pan
• alc al è alc e nuie al è nuie
• alc al è e alc e nuie al è nuie
• bêçs fâs bêçs e nuie fâs nuie
• bisugne tignî cont cuant che a 'nd è, che cuant che no 'nd è nol servìs a nuie
• bogns i parincj, bogns i amîs, ma cuant che no 'nd è nuie a son ducj triscj
• cence fature no si fâs nuie
• cence sacrifici no si à nuie de vite
• cjaval cence vizis nol vâl nuie
• cu lis cjacaris no si conclût nuie
• cuant che Diu al vûl cussì, nol è nuie di masse
• cuant che e je la sô ore, nol vâl nuie dî di no
• cuant che ognidun al à il so, il diaul nol à nuie
• cuant che si à dut no si à nuie
• cui che al è siôr no i mancje nuie
• cui che al lavore al à alc e cui che nol lavore nol à nuie
• cui che al promet masse nol manten nuie
• cui che al sta dibant nuie nol à
• cui che al tâs nol dîs nuie
• cui che nol sa nuie nol vâl nuie
• cui che nol scomence nol fâs nuie
• cui che trop al abrace nuie nol strenç
• cui che trop al vûl nol à nuie
• cui masse e cui nuie
• cun nuie no si fâs nuie
• da la aghe si cjape il pes, dal fûc nuie
• da la plui grant montagne al ûf de ruie, ce che tal mont al è fat, nol è par nuie
• dai fruts no si po sperâ nuie
• dai muarts o nuie o ben
• di ce che al è nol mancje nuie
• di ce che o vin nol mancje nuie
• di un avâr tu puedis sperâ alc, di un lôf no stâ sperâ nuie
• doi pôcs e un nuie a bastin a fâ scjas
• dulà che ducj met man, nuie riman
• dulà che nol è nuie il re al piert i siei dirits
• i cjacarons a son tant che seglârs: no tegnin dentri nuie
• il pôc al è dibot piês che no nuie
• inant che nuie, meste e lat
• l'onôr nol met nuie tal cit
• miôr alc che no nuie
• nol è nuie plui a bon presi des zornadis
• nome cun gaine no si fâs nuie
• nuie al è bon pai voi
• nuie al è masse pôc
• nuie miôr che sôi par sei sigûrs
• nuie no si risie nuie no si rosie
• nuie nol fâs tant mâl che il vizi vistût di virtût
• nuie nol reone tant che la miserie
• nuie nol riscje cui che nol à ce pierdi
• nuie nûl, nuie ploie
• nuie si met, nuie si gjave
• par nuie il vuarp nol cjante
• par nuie nissun nol da nuie
• par nuie nissun nol fâs nuie
• pôc nol è masse ma nuie al è masse pôc
• se a 'nd ves e se a 'nt fos a jerin doi fradis e no si vignivin nuie
• un cjâf cence lenghe nol vâl nuie