piç
piç
[AF]
-
s.m.
estremitât spiçade, ponte o cjanton di alc:
a barbotava e a vaìva come un canai, cui piçs dal grimâl in bocja (Novella Cantarutti, Li Anzuliti);
ere tun piç di une cjadree (Ermes di Colorêt, I, 32)
Sin. spiç
, spice
, pic
-
s.m.
lis pontis dai dêts strents insiemi:
si scotave i piçs cu la polente (Ermes di Colorêt, I, 39);
siôr Talico si ferme a gjambis a larc e al scjasse la man a piç, come Carmine (Dino Virgili, La aghe da pît la cleve)
-
s.m.
cuantitât, ancje aprossimative, di robe cjapade cu la ponte dai dêts:
«Cumò tu messedis, tu metis il zucar e ancje un piçut di sâl» (Raffaele Serafini, Altris contis di famee);
la Vire, che e jere rivade in glesie a messe finide, e voleve vê il so piç di cinise sul cerneli (Meni Ucel, La cinise)
Sin. piçade
, ponte
-
(fig.)
cuantitât une vore piçule, ancje di alc di imateriâl:
cuatri cartufulis e un piç di lidric che, cîl e lus se al jere cuinçât cuntune cicine di ardiel (Josef Cjargnel, La farine dal diaul);
Guri al cirive se al podeve sei un piç di contentece par Nita in ducj chei progjets par aiar (Dino Virgili, La aghe da pît la cleve);
se al viôt altris a vivi e a gjoldi in libertât nol à piç di rabie (Tarcisio Venuti, La cjase di Toni)
Sin. ponte
, ombre
, ongule
, tic1
, fregul
, fruçon
, freghenin
, sbit
, tinin
, tininin
, ninin
-
av.
par dâ plui fuarce ae negazion o ancje tant che negazion autonome:
a tancj di lôr, de solidarietât no ur interesse piç (AAVV, Sul florî);
nol voleve restâ di bessôl cun se stes, nol fo piç content (Amedeo Giacomini, Tal ospedâl);
nol saveve nuie piç nancje lui come me (Ivano Urli, Storie di Min);
"Piç biele! E je smuarte come un peçot" (Catarine Percude, La plui biele)
Sin. cree
, fregul
, nuie
, par nuie
, gran
Polirematichis e espressions idiomatichis
Proverbis:
- la bisugne a fâs ben movi i piçs
- mai mangjâ i piçs par voie di cjar