Dizionari de Lenghe Furlane

fruçon  /-òn/  fru|çon  [AF]

1. s.m. toc piçul di alc, spec. di alc di rot:  jê e met di une bande i fruçons di pan e di polente pai mierlis (Jaio Furlanâr, Il dì dal an da agne Lene); ogni volte che o vierç un scûr, a colin fruçons di stabilidure o tocuts di modon (Maria Forte, Cjase di Dalban)
2. s.m. (fig.) piçule cuantitât, piçule part, ancje di alc di imateriâl:  la operazion e podarès someâ une "recherche" proustiane impegnade a cirî fruçons di vite passade par trasformâju in sensazions, emozions (Angelo Floramo, Storiis che a nassin di bleons e di maiis. Puartis viertis sui siums)
   Sin. piç , ponte , bocon , toc¹
   
   1. robe di pocje impuartance, di pôc valôr:  Udin […] al è restât a bocje sute. Pordenon al à vût nome fruçons (Zuan Pieri Biasatti, Lis sclavitûts militârs ca sù si pain dôs voltis); lôr a fasin afârs, a speculin, e no lassin nancje i fruçons al teritori (Roberto Pensa, Agricultôrs ancjemò cence indenizazions)

Polirematichis e espressions idiomatichis

• a fruçons loc.av., loc.adi.inv.
• fâ a fruçons loc.v.
• lâ in fruçons loc.v.
• mandâ a fruçons loc.v.
• mandâ in fruçons loc.v.
• parâ in fruçons loc.v.