Dizionari de Lenghe Furlane

a fruçons    [CO]

1. loc.av., loc.adi.inv. sedi di alc di materiâl che di imateriâl, fat o rot in plui tocs, interot:  la schirie dai ricuarts, che i vignive denant dai voi, e jere une sorte di mosaic dut a fruçons, che al domandave di jessi metût in ordin, di jessi sistemât (Franca Mainardis, Il sium di Lissandri)
   Sin. a tocs , a bocons
2. loc.av., loc.adi.inv. in cundizions une vore brutis, disfat, distrut:  ta cuâi sîts / esal restât / alc di me / che no cognòs, o no ricuardi, / e il me jessi / esal chel a fruçons / crevât ta stagjons inaltrò / o chist / che mi forope in curtiel? (Maria Fanin, Ta cuâi sîts)
   Sin. a tocs , a peçots , a flics , a bocons , a cuarts , in fas

Components:

• fruçon s.m.