Dizionari de Lenghe Furlane

a tocs    [CO]

1. loc.av., loc.adi.inv. dividût in plui parts:  in chê volte Mirco, le veve cjolte dute la braide, passe dîs cjamps e po le veve vendude a tocs ai confinants (Alan Brusini, Par stradis lungjis)
   Sin. a bocons
2. loc.av., loc.adi.inv. rot in plui parts:  un grumon di veris a tocs, a scaiis, a sclesis, a slambris… Butiliis cence cuel, o cence fonts, miezis tacis e tocs di damigjanis cul veri penç e scûr (Maria Forte, La fortune di Folope)
   Sin. a cuarts
   
   1. (fig.) in brutis cundizions, cun dolôrs fisics, psicologjics, morâi e v.i.:  dopo de fature dal ronc, e veve la schene a tocs (Gianni Gregoricchio, Îr e doman); cence rancûrs, cence laments si è adatade, ma il cûr al jere a tocs (Pieri Somede dai Marcs, Cun pocje spese…)

Components:

• toc¹ s.m.