sbit
sbit
[CO]
-
s.m.
piçul escrement:
une panarie di cjariesâr, dute sporcje di tiare e di sbits di gjaline (Carlo Sgorlon, Prime di sere);
sot dai nîts des cisilis al sistemave une breute e po le fissave par ben cuntun filistrin peât ta doi clauts, un di ca e un di là di ogni nît. E cussì i sbits dai cisilins no sporcjavin disot (Mario De Apollonia, Il timp par ledrôs)
Sin. sbitiade
-
s.m.
(fig., pop.)
cualsisei robe, o ancje persone o bestie, une vore piçule o ancje une vore pôc impuartante:
chel sbit di cjanut da la ostarie di Zuanin i cor daûr par un bocon, vuagnantji fin ca vie dal puint sul Luri (Dino Virgili, La aghe da pît la cleve);
[i leghiscj] no àn dade une man a fâ vignî fûr a la svelte un sbit di leç [su lis minorancis linguistichis] (Antoni Beline, Il part da la Italie democratiche e antifassiste)
-
cuantitât minime:
le clamavin ducj, cence nancje un sbit di creance, La Strie (Raffaele Serafini, Soreli jevât a mont)
Sin. fruçon
, fregul
, ninin
, grignel
-
s.m.
[TS]
gastr.
(pop.)
dolçut fat di blanc di ûf e zucar montâts insiemi e cuet tal for a temperadure avonde basse:
pevarinis neris sporcjadis di zucar, «vues di muart» froi, pipinis di molene di pan, zucar di vuardi, «sbits» neris e blancs e colôr di rose fats cul zucar e blanc di ûf, cussì bogns che si disfavin in bocje come nêf (Pieri Menis, Chei di Muraie)
Sin. meringhe
, spumilie