ninin
/-ìn/
ni|nin
[AF]
-
s.m.
cuantitât piçule, sedi di alc materiâl che imateriâl:
"Dami un sôl ninin di cerce" "No pues" "Un ninin, un ninin…" E tant e à fat e tant e à dit che e rive a cjapâ un tocut di cerce (Andreina Nicoloso Ciceri, Lis pernîs - Racconti popolari friulani I);
"Provin! O metarìn un ninin di timp ma o sin in trê [...]" (Checo Tam, Sense)
Sin. fregul
, fruçon
, tic1
, tichinin
, freghenin
, tinin
, flât
, ombre
, ongule
, piç
Cfr. pôc
-
ancje in costruzions averbiâls:
al jere restât un ninin scuintiât (Luigi Gortani, Al marcjât di Vile);
e je, vadì, une storie un ninin diferente di chê uficiâl (Riedo Pup, Filosofie padronâl)
-
s.m.
frut piçul:
"Ce âstu tu, animute? ce isal? ve la mame, la mame, ninin! vele ca la mame! soi jo, la mamute tô! soi dongje di te! Duar, ninin…" (Bruno Paolo Pellarini, Nine nane);
e i fruts po? Ah, puars ninins… vuarfins masse adore (Angelo Covazzi, La vedue impegnade)
-
persone che si vuelii ben:
Mandi, ninin gno. Cuant che tu âs voie, fâs il gno numar a nûf di sere (Agnul di Spere, Chê dì che al neveà a Vignesie);
«[...] Vignint cun me ninin tu âs dome vuadagnât dai, jo vincjesiet agns e tu cuarantetrê» (Maurizio Mattiuzza, Al prossim casting ti sielzin te)
-
(coloc., ancje iron., ancje antifr.)
apelatîf par cui che si è daûr a fevelâ cun lui:
"[...] o vês di paiâmi dutis lis spesis par vie de gjambe rote". E lôr: "Sint po ninin, voltiti de bande che tu sês vignût e trote fin a Udin se no chest colp tes rompin dutis dôs!" (Alan Brusini, Amîs come prime)
-
adi.
che al à carateristichis che a plasin, che si calcolin bielis, che a ispirin simpatie e afiet o che si calcolin in cualchi maniere positivis, ancje riferît a animâi, plantis, ogjets e v.i.:
o scjampi a saludâ la mê Luzie, cussì ninine e amorose (Arturo Feruglio, Viaç a Vignesie);
a metevin sù cotulis a rosis e corpets tant ninins che mai (Monica Tallone, Sauris e il so Carnevâl);
dispès o sint coments no masse ninins (Valentina Pagani, Al è miôr fâ invidie che no pietât)