pôc pôc [FO]
-
adi.indef.
scjars di numar o di cuantitât:
zornade flape [a marcjât]: pocje int in zîr, cualchidun a domandâ e nissun a comprâ (Angelo Covazzi, Baratâ);
eh, cjâr tu, se tu savessis ce pôcs bêçs che a mi dan di pension! (Franca Mainardis, Il sium di Lissandri);
lu mandà a cirî un altri pâr di fuarpiis, e Ricardo al tornà pôcs minûts dopo (Carlo Sgorlon, Prime di sere)
Cfr. cualchi , scjars -
pron.indef.
numar piçul di personis, elements, robis e v.i.:
pôcs a san che la prime Costituzion moderne no je chê dai Stâts Unîts, ma chê corse dal 1755 (Carli Pup, Teritoris - Oms di Libertât);
polente, parcè che in chê volte, a 'nd jere ben pôcs che a podevin permetisi di mangjâ pan (Roberto Ongaro, Il muc)
- cuantitât piçule di alc, sedi materiâl che imateriâl, ancje cun sens une vore gjeneric: cuant che si è parons di pôc sot il soreli, no si è bramâts di nissun (Franca Mainardis, Aiar di cjase); no je cambiade che di pôc, chê frutute plene di vizis (Checo Tam, Queen Anastasia); si contente di pôc lui, dotôr (Alan Brusini, Gian Paolo Linda, I forescj)
- cuantitât piçule di bêçs: tal 1980 fâ une radio al costave pôc e si veve, in mancjance di concorence, tant impat sul teritori (Max Mauro, Un Friûl difarent: i 90 mhz di Onde Furlane)
- timp curt: cualchidun al veve fat sù di pôc dôs cjasis di cuatri o cinc plans (Agnul di Spere, Vivi a Codroip); o balinavi sù e jù pe place di Tuieç che il soreli di Setembar al scjaldave nome par pôc (Alan Brusini, Gian Paolo Linda, I forescj)
- impuartance scjarse: in fin dai conts si tratave di une disgracie di pôc (Carlo Sgorlon, Ombris tal infinît)
-
s.m.
cuantitât piçule di alc, ancje in sens gjeneric:
o vin fate une grande robe a confront dal nuie o dal pôc che al è stât fat fin cumò (Adrian Cescje, Memoriis di politiche linguistiche);
jo, naturalmentri, o capìs chel pôc che o pues capî (Arturo Feruglio, Viaç a Vignesie)
Sin. flât , ombre , piç , sclip , segnâl , tic1 , ninin -
av.
daspò di un verp, cun piçule cuantitât, misure, durade, intensitât, pussibilitât e v.i.:
ancje se e viodeve pôc dal voli losc, no si jere sbaliade (Pieri Menis, Il fi de Rosse);
i impuartavin pôc chês peraulonis intrigadis che il nodâr al leieve in presse e che lui nol capive (Pieri Somede dai Marcs, La braide)
Sin. a pene - av. di râr, pocjis voltis: in glesie e leve pôc, no si cjatave tra tante int (Pieri Somede dai Marcs, Nardon e Vigjute di Nani)
- av. prime di un adi. o di un av. par gjavâi fuarce o dî il contrari: i someave pôc just ingjanâ chel biât cristian (Maria Forte, Cjase di Dalban); al jere dut confusionât di chel fâ cussì pôc clâr (Roberto Ongaro, Cretevierte); il pari de vuestre morose al fevele masse e pôc ben dal partît e al va ator contant che o pierdarìn la vuere (Roberto Ongaro, Il muc)
- a dî pôc loc.av.
- mancjâ pôc loc.v.
- ni par pôc ni par trop loc.av.
- ni piç ni pôc loc.av., loc.prep.
- ni pôc ni piç loc.av., loc.prep.
- ogni pôc loc.av., loc.pron.
- ogni pôc che loc.coniun.
- par pôc loc.av.
- par pôc e par nuie loc.av.
- pôc di bon loc.s.m.inv., loc.s.f.inv., loc.adi.inv.
- pôc di sest loc.s.m.inv., loc.s.f.inv., loc.adi.inv.
- pôc o nuie loc.av., loc.pron.inv., loc.adi.inv.
- pôc sù pôc jù loc.av.
- stâ pôc ben loc.v.
- un pôc loc.pron., loc.av.
- vê pôc ce cjalâ denant di se loc.v.
- vê pocje anime loc.v.
- a bon intindidôr, pocjis peraulis i bastin
- al è miôr pôc cun justizie che no trop cun pecjât
- ce che al ven cence fadie, in pôc timp ancje al va vie
- cuant che la prime nêf e ven al plan, pocje nêf in chel an
- cui che al à pôc fîl che al fasi cjalçuts e no cjalcis
- cui che al cjacare pôc al fâs buine figure cun metât di savê
- cui che al fevele trop, al pense pôc
- cui che al spint pôc al spint trop
- cui che al ten cont dal pôc al ten cont ancje dal trop
- cui che no le misure, pôc e dure
- cui che no si contente dal pôc al piert il trop
- cui che nol paie il pôc al paie mancul il trop
- cui che nol ten cont dal pôc nol ten cont dal trop
- cui che nol ten cont dal trop al piert ancje il pôc
- cui che pal trop al piert il pôc al reste cuntun pugn di moscjis
- cui che pôc al spint pôc al gjolt
- cui che trop al bêf pôc al bêf
- cul pôc si cjol e cul trop si fâs gnocis
- cun trops pôcs si fâs un grum
- cuntun solt pocjis voltis si paie un debit
- dal pôc al ven il trop
- dal pôc si gjolt, dal masse si fâs gnocis
- dal pôc si gjolt, dal trop si fâs gnocis
- doi pôcs e un nie a puedin bastâ a fâ siôrs
- doi pôcs e un nuie a bastin a fâ scjas
- femine cence gracie pôc e vâl tant che la mignestre cence sâl
- fevele pôc e ben
- fiditi di pôcs e vuarditi di ducj
- i bêçs a son taronts: a stan pôc a lâ
- il masse e il masse pôc a disjustin ogni mistîr
- il masse e il masse pôc a dissipin ogni mistîr
- il pôc al è dibot piês che no nuie
- il pôc nol fâs mai mâl
- in chê cjase che la gjaline e cjante e il gjal al tâs e je pocje pâs
- la aghe e il fûc a stan in pôc lûc
- la muele e va un pôc par cussì e po a fâs ziruc
- lis feminis a àn putrops cjavei e pôc cjâf
- mâl tant masse che masse pôc
- matrimoni bon, femine e om un pôc parom
- miôr pôc che tant e trist
- no tu ti pintirâs mai di vê fevelât pôc e mangjât pôc
- nuie al è masse pôc
- ocje pocje
- ogni pôc al è alc
- pôc e bon e plen un podin
- pôc e spes al jemple la borse
- pôc ma ben cuet
- pôc ma bon
- pôc nol è masse ma nuie al è masse pôc
- pôc si spint e pôc si gjolt
- pocje faie, pocje nêf; trope faie, trope nêf
- pocje tiere e ben coltade
- pocjis cjacaris e putrops fats
- prin di Mai Sant Jacum e Filip o cjatai, tierce dì Sante Crôs e fuì, un pôc plui tart Sant Gotart, e tal doman Sant Florean
- putropis cecjis e pocje ue
- putropis fueis, pocjis ciespis
- putrops pôcs a fasin un trop
- riscjâ un pôc par no pierdi dut
- San Vicenç, grant criùre; Sant Laurinç, grant cjaldure: la une e la altre pôc e dure
- se pôc o sint, pôc o gjolt
- si scomence cul pôc e si finìs cul trop
- tal grant al sta il pôc e il tant
- tal larc al sta il pôc e il trop
- tant al è il masse che il masse pôc
- tropis voris, pocje vore
- tropons a son amîs a cjacaris e pôcs a fats
- trot di mus al dure pôc
- un brâf om e un bon vassiel di vin a durin pôc