Dizionari de Lenghe Furlane

segnâl  se|gnâl  [FO]

1. s.m. indicazion, istruzion o sim. che e pues jessi viodude o sintude:  al viôt parsore di se, sul alt, i partigjans che i fasin segnâl cu la man di lâ de lôr bande (Ivano Urli, Storie di Min); il pilot al cjalave fis tal scûr de gnot par viodi un cualchi segnâl (Roberto Ongaro, Il muc)
   Sin. segn , segnalazion
   Var. signâl
   
   1. tabele che ducj a puedin viodi, cun simbui o scritis:  a son pastanâts sul ôr de strade adiriture doi segnâi di limit di velocitât (Riedo Pup, Lis bombis sul seglâr)
2. s.m. element che al fâs prossumâ la presince, o la presince passade o future, di cdn. o di alc:  pocâts di chei segnâi chi, o vin cirût, inte lenghe di in dì di vuê e tai tescj vieris, altris testemoneancis de declinazion di in chê volte (Zorç Cadorin, Cualchi ipotesi sul furlan di prin di scrivilu); lis primis zulugnadis […] e la nêf e sblancjà lis cretis de Mont Maiôr e dal Mont Cjaval, segnâi sigûrs dal Invier (Pieri Menis, Sul agâr); si dismovè di sium fûr strafont di sudôr. Al restà li strassomeât: al jere il prin e ben cognossût segnâl dal so mâl (Amedeo Giacomini, Tal ospedâl)
   Sin. jenfrisegn , olme , segn , usme
   
   1. element doprât par distingui cdn., une robe o un puest di un altri
      Sin. contrassegn , segnacul
3. s.m. [TS] eletr., telecom. in gjenar, tension, corint o altre grandece fisiche che e mande une informazion in jentrade o in jessude di un implant:  la radio no si sintive. Il segnâl al jere colât (Max Mauro, Un Friûl difarent: i 90 mhz di Onde Furlane); un trasdutôr al davuelç la funzion contrarie de trasmitent, ven a stâi la decodificazion dal segnâl (Lorenzo Marcolini, Lis celis organichis nanostruturadis)
4. s.m. manifestazion di un sintiment cu la espression de muse, des peraulis, dal mût di fâ:  o vevi sgurlât il cjâf cun fuarce, cence scuasit visâmi. Lui lu veve intindût come segnâl che o volevi lâ vie (Gianni Gregoricchio, Trê feminis)
   Sin. at¹ , avîs , dimostrazion , espression , prove¹ , segn
   
   1. espression di une intenzion, pandude in cualsisei maniere:  e je ore di dâ il segnâl [cuntune cuerele] che si à passât il limit di tolerance (Adrian Cescje, Memoriis di politiche linguistiche)
5. s.m. bersai, pont che si cîr di centrâ:  la balestre e jere pronte. A meterin un tabelon di len da pît dal curtîl, cui segnâi piturâts di blanc e di ros (Carlo Sgorlon, Prime di sere)
   Sin. bersai , segn
6. s.m. linie, ombre o forme che e reste par vie di une magle, di une lesion e sim.:  un segnâl di umiditât, ben clâr, al mostrave pardut fin dulà che al jere rivât il nivel de aluvion (Carlo Sgorlon, Ombris tal infinît)
7. s.m. (fig.) piçule cuantitât, piçule presince o minime parence di alc o ancje di cdn.:  chel segnâl di lune ur faseve ancjemò strade dilunc jù, daûr il Çuc dai Pins (Dino Virgili, La aghe da pît la cleve); i erêts, par dividi cuatri cjamps e un segnâl di cjase mieze dirocade, a son vignûts ca di me par firmâ il contrat di division (Pieri Somede dai Marcs, Par la firme di un contrat)
   Sin. ombre , fîl , tic¹ , ninin , ponte , olme , pôc
8. s.m. imprest che al pues zirâ, che al segne di ce bande che al sofle l'aiar:  la buera imbramida a fai lamentâ come cigus di cristians, i segnâi di fier sora i camins (Novella Cantarutti, Stradi pa la val da la Miduna)
9. s.m. ûf, ancje pustiç, che si met intun ciert puest par che lis gjalinis a fasin i lôr ûfs dongje
   Sin. niâr

Polirematichis e espressions idiomatichis

• a segnâl che loc.coniun.
• meti il cjâf a segnâl loc.v.