Dizionari de Lenghe Furlane

olme  /ó-/  ol|me  [FO]

1. s.f. segn lassât cjalcjant o tocjant une superficie, un cuarp o altri cui pîts, cui dêts o cun altris parts dal cuarp, o passantji sore:  il talon, discjapinele, al stampave une olme di bagnât sul solâr (Dino Virgili, La aghe da pît la cleve); [te nêf] si viodevin a pene lis sgrifutis, a stele, dai uciei e la olme lizere di cualchi besteute dal bosc (Maria Forte, La tiere di Lansing)
   Sin. impront , pescjade , stamp , stampe , tibiade , tibie¹ , ferade
   
   1. odôr che si lasse là che si passe e che al pues jessi sintût, spec. dai cjans di cjace:  "Ven chi […] talpine un pôc sul ledan […]. [i cjans] A sintaran nome odôr di ledan, ma chel, lôr, no lu cirin e a tornaran simpri su lis olmis vecjis." (Roberto Ongaro, Il muc)
      Sin. usme , ferade , odôr
2. s.f. influence, segn, element e v.i. lassât di cdn. o di alc:  te mê memorie e te memorie di ducj chei che lu àn cognossût […] Fausto Schiavi al à lassade une olme che no si è mai sfantade (Adrian Cescje, Tal non di Fausto Schiavi)
   Sin. jenfrisegn , segn , ferade
3. s.f. (fig.) pal solit in espressions negativis, esistence o cuantitât o presince minime:  la ARLeF e varès di podê zovâsi di une Comission pal ûs sociâl de lenghe furlane, nomenade dal president de Regjon. In dì di vuê, di cheste Comission no si viôt olme (Carli Pup, Sot atac l'avignî de lenghe furlane)
   Sin. ponte , ombre , segnâl , tic¹ , fregul , spêl

Polirematichis e espressions idiomatichis

• stâ in olme loc.v.
• tignî di olme loc.v.