segn
/-è-/
segn
[FO]
-
s.m.
linie o complès di liniis o figure incidude o che e distache dal colôr dal fonts:
sul asfalt al jere restat il segn di une frenade di 80 metris (Agnul di Spere, Frêt)
Sin. trat
-
linie fate di un artist, tant che element espressîf e dimostrazion di un stîl:
il segn minuziôs [di Edoardo Del Neri] al è finalizât a une rese realistiche (Bepi Agostinis, Storie de art in Friûl)
-
s.m.
linie o figure, spec. scrite, che e à un valôr simbolic:
la corispondence fra i suns e i segns grafics e à di jessi plui strete che al è pussibil (Xavier Lamuela, La grafie furlane normalizade);
[il sisteme di Faggin] par vie dai segns cu lis pipis al compliche la scriture (Adrian Cescje, Memoriis di politiche linguistiche)
Sin. caratar
, letare
, simbul
-
s.m.
[TS]
mat.
simbul di une operazion o di une relazion
-
s.m.
acjadiment, element, manifestazion e v.i. che al comuniche alc, che al permet di capî, previodi, dedusi e v.i.:
Jean Arnoux a pene dismot al sintì te arie i segns di alc di gnûf (Agnul di Spere, Messe di misdì a Varsavie);
fintremai che un popul […] al manten la sô lenghe, al è segn che nol à pierdude la sô personalitât (Josef Marchet, Un element fondamentâl dal moviment autonomistic);
il tumôr, tal cerviel di Michel, al jere cressût planc a planc e al veve dât i prins segns cuatri cinc agns prime de operazion (Franc Fari, Il cjâf dai furlans)
Sin. avîs
, dimostrazion
, espression
, jenfrisegn
, spie1
, segnâl
-
s.m.
espression o moviment de muse o dal cuarp che al comuniche alc:
si slontanave di me, fasint un segn di cumiât cu la man (Carlo Sgorlon, Il dolfin)
Sin. at1
, mot
-
at che al mostre une intenzion, une atitudin, un sintiment e v.i.:
a saran propit lis cjampanis, restadis cidinis dal Vinars Sant tant che segn di rispiet pal dolôr di Jesù, a sunâ par anunziâ a dut il mont che Crist al è resurît (Monika Pascolo, Il sun de fieste)
-
s.m.
element doprât par distingui cdn., une robe o un puest di un altri:
i âstu metude une piere, une crôs, un segnut cualunche su la tombe? (Josef Marchet, Lis predicjis dal muini)
Sin. contrassegn
, segnacul
, segnâl
-
s.m.
linie o forme diferente de piel o di une altre superficie lassade di un tai, di une lesion, di une feride:
un pît cuntun segn, un tai fat di piçul (Cristina Noacco, Faliscjis)
-
s.m.
testemoneance dal passât:
des pratichis che a rivuardavin Dionis a Delfi si sa avonde pôc e no nus son restâts nancje segns dal so cult (Adrian Cescje, Viaç aes origjins dal Logos);
di doi, trê agns mi interessi dai segns dal om tal paisaç contadin furlan (Erika Adami, Sul troi de poesie visive)
-
s.m.
(fig.)
impression, influence, consecuence, che e pues jessi sedi positive che negative:
un inteletuâl furlan une vore origjinâl, ritignût stramp e utopistic dai siei coetanis, ma che al à lassât un segn pe identitât e pal autonomisim de nestre tiere (Bepi Mariuz, Lis ideis di Achille Tellini om di sience e di autonomie)
-
s.m.
astrol.
viôt segn zodiacâl
:
I vevin simpri dit "Si viôt che tu sês un Leon! Tu âs propit lis carataristichis di chel segn!" (Checo Tam, Regulus)
Polirematichis e espressions idiomatichis
Proverbis:
- cuant che i fruts a stan cuiets, al è cjatîf segn
- cuant che i fruts a stan cuiets, brut segn
- cuant che i fruts a stan cuiets, segn che a son malâts
- cuant che la gjaline e cjante, segn che e à fat l'ûf
- cui che al mostre la robe e no le mole, al è segn che le mostre par fâ gole
- cui che al viôt, sint e tâs, al è segn che al vûl vivi in pâs
- cui che si russe al è segn che i spice
- cui che simpri al lavore al è segn che al vûl lâ in malore
