simbul
/-ì-/
sim|bul
[AF]
-
s.m.
ce che, par convenzion o par associazion di ideis, al riclame o al rapresente alc altri, massime un concet astrat, une cundizion, une situazion, une realtât plui grande e v.i.:
il Gjal e la Tartarughe […] a lotin fasint di simbul de lûs che e rive e dal scûr che al lasse il pas (Giovanni Battauz, Flavio Cossar, Renato Iacumin, I mosaics de basiliche di Aquilee);
il simbul di Pasife e il Taur al riclame la union de anime e dal cuarp, ven a stâi la creazion dal "om esteriôr" (Mario Turello, Il brevet)
Sin. embleme
, imagjin
, rafigurazion
, rapresentazion
, segn
, steme
-
segn distintîf di une comunitât, di une tiere, di une citât, di une istituzion e v.i.:
il simbul de acuile al caraterizave il Stât patriarcjâl furlan za prin dal patriarcje Beltram (ARLeF, Bandiere dal Friûl);
Strumîrs e Çambarlans si fasin ricognossi cun jerbis, rosis e flocs puartâts sui vistîts […] lis autoritâts venezianis a cirin di proibî l'ûs di chescj simbui, ma cun pôc sucès (Carli Pup, Il Friûl de Joibe Grasse dal 1511)
Sin. embleme
, segn
, steme
-
figure distintive di un prodot, di une dite, di un grup e v.i. o ancje dome figure decorative:
so mari […] i à preparât di mirinde: pan e cjocolate. Chê cjocolate a taulute dure cul simbul di une corone par ogni cuadrut (Checo Tam, Zepon)
-
s.m.
robe o persone che e incjarne un concet, un valôr, une situazion e v.i.:
al alçà i voi de pagjine e si metè a ridi di gust. […] Peredònov, chel professôr di liceu paranoic […] par lui al jere il simbul di dut ce che al cualificave in negatîf un piçul borghês (Amedeo Giacomini, Tal ospedâl);
e po: la rivoluzion! La rivoluzion! Il tren al è il simbul dal moviment, de rivoluzion! E la art, la poesie, la leterature, il cine! Il tren al è vite, parcè che la vite e je moviment (Stiefin Morat, Donald dal Tiliment)
-
ancje in funz. di adi.inv.:
Robert McIntyre (clamât il pari dal SNP) al fo elet Provost (sindic) di Stirling, la citât simbul de indipendence scozese (Sergio Cecotti, Il risultât eletorâl dai partîts di identitât teritoriâl - A case study: Scottish National Party);
"Voaltris o sês la famee simbul de borgade!" (Luciano Rocco, La foghere)
-
s.m.
[TS]
polit.
figure regjistrade in maniere uficiâl, che e rapresente un partît:
[tes elezions europeanis dal 1979] il Moviment Friûl al metè siei candidâts sot il simbul de Union Valdotaine (Adrian Cescje, Memoriis di politiche linguistiche)
Sin. simbul eletorâl
-
s.m.
segn convenzionâl doprât in plui dissiplinis sientifichis par entitâts, grandecis, operazions e v.i.:
il supuart de informazion, la "materie prime" che e ven instradade su chestis rêts, a son miliarts e miliarts di simbui binaris ("zeros" e "uns") (Valentino Castellani, La societât de informazion: cirint lis origjins)
Sin. segn
-
s.m.
[TS]
religj.
formule che e pant in struc i ponts fondamentâi che a dan dongje i crodints di une comunitât:
e dîs une tradizion che i apuestui, prin di dividisi, a àn decidût di fâ une sorte di struc des veretâts, chês propit essenziâls e dome chês. Metût adun il "simbul", ogniun si è cjapât un toc, di mût che, tornantsi a cjatâ e metint insiemi ogni toc, e tornàs fûr te sô integritât la profession di fede o simbul (Antoni Beline, Sant Jacum, là che al finìs il mont)