imagjin
/-à-/
i|ma|gjin
[FO]
-
s.f.
forme esteriôr di alc, cemût che e je percepide dai voi:
a vevin imagjin umane ma ognidun al veve cuatri musis e cuatri alis (Checo Tam, Sense);
viodi la imagjin di se stes intun spieli (Franc Fari, Il cjâf dai furlans)
Sin. aspiet1
, figure
, forme
, inficje
, muse1
Var. imagjine
, magjine
, inmagjin
, inmagjine
-
s.f.
rapresentazion mentâl di robis o personis prodote dal pinsîr, de fantasie, dal ricuart:
sot il neri di un vêl che le fassave, lis mans lungjis poiadis sui zenoi, o daûr a movi la verete, come a cjarinâ la imagjin dal om (Maria Forte, Cjase di Dalban);
nol rivave a gjavâsi di intorsi il ricuart di chel sium stramp, plen di imagjins inmagadis e dolcis (Franca Mainardis, Grivôr)
Sin. figure
, inficje
, vision
, idee
-
s.f.
espression concrete di alc di astrat:
Valerie e jere la imagjin de dolcece, de gracie, de delicade bontât (Roberto Ongaro, Il muc)
Sin. embleme
, incjarnazion
, personificazion
, ritrat
, inficje
-
s.f.
rapresentazion grafiche, fotografiche o plastiche di alc o di cdn.:
a son miârs lis imagjins femininis che si cjatin tes culturis neolitichis dal Mediterani, fatis di materiâi diferents (Andrea Pessina, Gaetano Vinciguerra, La preistorie in Friûl);
o podìn viodi vuê ancjemò la biele glesie […] e sul altâr maiôr la vecje imagjin miracolose de Madone cul Bambin sculpide in len di Zuan di Tumieç (Pieri Menis, Lis leiendis di Buie);
de sô presince [di Pasolini] in chei che a jerin i "lûcs de sô vite", no vin imagjins filmadis (Fabian Ros, Il fotogram mancjant. Un Friûl cence memorie storiche audiovisive)
Sin. figure
, riproduzion
, ilustrazion ipon.
-
s.f.
aspiet che si à denant di chei altris, massime par vie dai vistîts, dal tai di cjavei, dai cosmetics e v.i.:
i zovins i tegnin a curâ la lôr imagjin
Sin. stîl1
-
s.f.
impression che a dan in public un personaç o une aziende, un teritori e sim.:
une radio - al dîs Venturini - e je simpri une imagjin gjenerâl. Si vent chê imagjin (Max Mauro, Un Friûl difarent: i 90 mhz di Onde Furlane);
la imagjin, no dome economiche, dal Friûl e je leade a strent ae produzion di vin (Luigina Di Giusto, Andrea Guaran, Mauro Pascolini, La culine furlane)
Sin. figure
Proverbis:
- i siums de gnot, al dî di un grant poete, a son imagjins dal dì ladis in scuete
- il sium al è la imagjin de muart