Dizionari de Lenghe Furlane

muse¹ mu|se [FO]

s.f. part denant dal cjâf di une persone: une muse taronde e grassote come di un frut deventât om masse adore (Pieri Menis, Sul agâr); Tunine e veve une biele aste, la muse che e plaseve e voi turchins (Maria Forte, Il Bide di Miot); Ghite mi bussà su la muse e mi disè almancul un centenâr di voltis: «Mandi» (Alan Brusini, L'odôr de fiere); e butave la aghe de bocalete tal cjadìn, si lavave la muse, e dopo si vistive in buride (Carlo Sgorlon, Il dolfin)
Sin. vîs , mostaç
Cfr. face , music¹ , mustic
1. aspiet di chê part dal cuarp che al fâs capî cemût che si sta: chei fruts a jerin resistents come fîs di contadins cun musis blancjis e rossis come miluçs di Sierade (Maria Forte, Cjase di Dalban)
s.f. espression di cemût che si sta, di ce disposizion che si à inviers di chei altris: i ufrive simpri alc di golosâ, cun muse zentîl e ridint (Carlo Sgorlon, Ombris tal infinît); lu viodevin simpri a passâ cun muse legre e pront a fâ dôs cjacaris (Roberto Ongaro, Cretevierte)
Sin. espression , ciere
1. espression masse vive, pôc moderade o pôc fine: ce covential fâ dutis chês musis?
  Sin. musate , bocjate
s.f. (fig., meton.) persone: ce malinconie pierdi musis cognossudis! (Maria Forte, La tiere di Lansing)
s.f. (ancje fig.) part che si viôt di alc, ognidune des bandis che alc al pues jessi cjalât: dutis lis medaiis àn dôs musis (Sandri Di Suald, Ah! la provincie)
1. aspiet, maniere di presentâsi di alc, di une situazion, di un fenomen e v.i.: la veretât e à tantis musis che si vûl se si sa parâle ator daûr l'aiar che al sofle e metile al servizi de politiche (Josef Marchet, Cuintristorie dal Friûl fin sot la Italie); chês fuarcis si son sfantadis, il nazionalisim chauvinistic no. Si è dome morestât par cualchi dade di timp, intant che al cjapave sù altris musis (Adrian Cescje, Memoriis di politiche linguistiche)