Dizionari de Lenghe Furlane

mostrâ la muse    [CO]

1. loc.v. fâ alc o cjapâ posizion a clâr, cence pôre di responsabilitâts o consecuencis:  Melio Barbot che nol voleve mai mostrâ la muse, i cimià par fâi capî che al jere de sô bande (Maria Forte, La tiere di Lansing)
   Sin. metisi in zûc , pandisi , scuvierzisi , meti la muse
   
   1. fâ viodi cui che si è pardabon, ce che si pense pardabon:  fintremai cumò no àn volût comprometi i lôr interès eletorâi fevelant masse clâr, ma cumò che al sta par rivâ il moment decisîf, a spessein a tirâ jù la mascare e mostrâ la muse (Josef Marchet, La gnespule malmadure)
2. loc.v. rivâ intun puest o li di cdn., fâsi viodi:  Tito si jere implantât a Triest e al veve slungjadis lis grifis fint a Gurize e cualchi troput di soldâts dai siei a vevin mostrade la muse tal Friûl di là de Tor (Francesc Placerean, Cuintristorie dal Friûl dal 1866 fint in dì di vuê)
   Sin. fâsi viodi , fâsi vîf

Components:

• mostrâ v.tr.
• muse¹ s.f.