fâsi viodi
[AF]
-
loc.v.
fâ in maniere di jessi notât, compuartâsi cun ostentazion:
i frutaçats a cjantavin par strade tornant di sagris lontanis cu lis nolis tal sen, scherçant daûr lis frutatis, e sburtantsi e fasintsi dispiets par fâsi viodi (Dino Virgili, La aghe da pît la cleve);
e lave dispès su la sô tombe [dal om] a vaiuçâ. Par fâsi viodi e rigjavâ un dûl plui par se che par lui (Maria Forte, Mabile la Lunghine)
Sin. fâ mostre
, metisi in mostre
, imparêsi
, mostrâsi
-
loc.v.
cuntun predicatîf, cirî di jessi considerât intune cierte maniere:
cualchidun al vûl cjalâ tes robis, dome par dâ il so aiût, il so consei, par fâsi viodi bon e sei cussì plui alt te opinion dal borc (Maria Forte, La aghe dal Ariul)
Sin. mostrâsi
-
loc.v.
soredut in costruzions negativis, fâ alc a clâr, in mût di podê jessi viodût:
fûr pe puarte spalancade e veve viodude sô cugnade […]. No voleve fâsi viodi di jê a curiosâ te cjamare dal cugnât…, chê, dopo, e jere buine di metisi a dî cuissà ce, cun chê lengate che e veve (Pieri Menis, A uciei cu lis archetis);
cence fâsi viodi si invie viers il prât e dopo al jentre dentri dal bosc (Marisa Moretti, Neveade);
o tenti di mocâme in ponte di pîts, par no fâmi viodi (Arturo Feruglio, Viaç a Vignesie)
-
loc.v.
lâ li di cdn. o intun puest:
«Ma scugnivistu propit [stâ fûr dut il dì]… cussì… cence vignî a dâ un salût… cence vignî a fâti viodi…» (Meni Ucel, Gjarmaneots);
Nardon infin al à capide la musiche e nol si è plui fat viodi tal paîs di Vigjute (Pieri Somede dai Marcs, Nardon e Vigjute di Nani)
Sin. fâsi vîf
Cfr. tornâ dongje
-
loc.v.
(coloc.)
fâsi fâ une visite mediche:
a un ciert pont, conseât ancje di cualchi om di buine volontât, al decidè di lâ a fâsi viodi di un specialist (Fabian Ros, L'om che al pierdeve pinsîrs pe strade)
Components:
-
fâsi
v.pron.tr., v.pron.intr.
-
viodi
v.tr., v.intr., s.m.sing.
