Dizionari de Lenghe Furlane

tornâ dongje    [AF]

1. loc.v. tornâ a cjase, in famee o li di cdn. o tun puest che si capìs dal contest:  [il cont Filip] cheste matine al è lât a cjace cui Montegnâs de bande di Saorgnan e cuissà cuant che al tornarà dongje (Arturo Feruglio, El cercandul); "Sono oris di tornâ dongje ? Se tu jâs voie di lâ tor di gnot, almancul vise, che no stedi a çavariâ par te!" (Jolanda Mazzon, Di là de rêt)
   Sin. tornâ daprûf , tornâ incà
2. loc.v. (coloc.) di robe, avês o bêçs che a jerin stâts prestâts o lassâts a altris o cjapâts di cdn., tornâ al lôr proprietari o tal lôr puest:  il muini al da di clostri aes puartis, e vie dret in canoniche, dal vicjari: «Ca a son lis clâfs de glesie… e si ricuardi che il "sottoscritto" nol fasarà plui servizi fin che no torne dongje la tavaie.» «Cemût?» al domande il vicjari. «Cussì… la tavaie e je sparide… che al vadi lui de "fatoresse" e al viodarà che la cjate.» (Pieri Menis, I sioperos dal muini)
   Sin. tornâ , tornâ incà
3. loc.v. (fig.) tornâ in buinis relazions:  si jerin barufâts ma po a son tornâts dongje
   Sin. conciliâsi , justâsi , pacificâsi , rapacificâsi , rapatumâsi , riconciliâsi , tornâ a svicinâsi , tornâ in buinis

Components:

• dongje av., prep., adi.inv.
• tornâ v.intr., v.tr., s.m.