Dizionari de Lenghe Furlane

tornâ incà    [CO]

1. loc.v. tornâ a cjase, in famee o li di cdn. o tun puest che si capìs dal contest:  ma in chel rive une letare / che la ferìs sul vîf; / l'è so marît che i scrîf, / al ûl che torni incà. / Ce brute improvisade! / Mancjave nome chest! (Pieri Çorut, I bagns di Betine)
   Sin. tornâ daprûf , tornâ dongje , tornâ di ca
   
   1. tornâ in chest mont:  «Jê, cui? Na ere muarta? Po ese tornada incà da chel atri mont?» (Novella Cantarutti, L'uminin dai stecs)
2. loc.v. tornâ a stâ miôr dopo di jessi stât mâl:  il malât al stentave a tornâ incà. Une dì al pareve che al stas miôr, ma intal doman al tornave a colâ jù (Gianni Gregoricchio, Trê feminis)
   Sin. rimetisi , ripiâsi , tornâ di ca , dâ di ca
   
   1. tornâ cussient dopo di vê vût imbast o di vê çavariât:  "No si sa ben ce che e vebi. Un dopodimisdì le àn cjatade par tiare, in cjamare. Delicui. Ma sâstu che no tornave incà?" (Gianni Gregoricchio, Trê feminis)

Components:

• incà av.
• tornâ v.intr., v.tr., s.m.