Dizionari de Lenghe Furlane

tornâ di ca    [CO]

1. loc.v. tornâ di cheste bande:  e sintive cori la aghe te cusine sporcje e messedâ la massarie; po la Arsilia e tornà di ca, suiantsi lis mans tal grimâl (Jolanda Mazzon, Di là de rêt)
   Sin. tornâ daprûf , tornâ dongje , tornâ incà
   
   1. tornâ in chest mont:  po Madin si inmalà e al murì, e cumò al tornave di ca (Dino Virgili, Come tornâ fruts); cenonè, trê dîs dopo muart, no tal viodino tornâ di ca e svolampâ parmìs des cjasis e dai cjôts, scjadenant cîl e terôr (Josef Cjargnel, Batistute)
2. loc.v. tornâ a stâ miôr dopo di jessi stât mâl:  di une cjoche di vin si torne di ca, de cjoche dal pan no si vuarìs (Walter Tomada, Avostanis 2010: nuie di masse e tant di plui)
   Sin. rimetisi , ripiâsi , tornâ incà , dâ di ca
   
   1. tornâ cussient dopo di vê vût imbast o di vê çavariât:  a i coventava aga e aseit par fâ tornâ di ca Miutin (Novella Cantarutti, La not di Gjoriu)

Components:

• ca¹ av., inter., prep.
• tornâ v.intr., v.tr., s.m.