Dizionari de Lenghe Furlane

ca¹  ca  [FO]

1. av. tal lûc là che al è cui che al è daûr a fevelâ o tun lûc une vore dongje:  dai ven ca, no stâ a pensâ masse, a son robis che a duraran pôc (Spirt Anonim, Braùre); cumò denant, passant ca pe place, o ai sintût Blasut Sentence che al sentenziave cuintri di sô fie (Josef Marchet, Lis predicjis dal muini)
   Sin. chi¹ , culì , chenti
   Var. acà
   
   1. in direzion di cui che al fevele:  il soreli si sbassave daûr lis polessis altis là vie e al petave ca a stris su lis viis de jerbe seade (Dino Virgili, La massarie)
      Sin. incà , chi¹ , culì , chenti
   2. par indicâ une part dal cuarp di cui che al fevele:  "Se tu savessis! Jarsere cuant che mi à compagnade a funzion, tornant indaûr, intal scûr mi à molade une bussade ca! O sint ancjimò il brusôr!" (Arturo Feruglio, Un grop sul stomi)
   3. lûc a pene citât o che si è li li par citâ:  si rivave te mulatiere maestre che e menave, a diestre a Pas Cjaval e a Pâl Grant e di chê altre bande ai «Stalis Rohner» e di ca ancjemò al Freikofel e a Pâl Piçul (Pieri Menis, Funerâl a Pâl Piçul)
   4. par segnâ un puest che nol è dongje di cui che al fevele, ma dongje di cui che al è il pont di riferiment de narazion:  Ermis al mande Milio Vuaraç a viodilu. Milio al va a cjalâlu, po al torne ca (Riedo Pup, Beâts i viei)
   5. ancje cence une relazion di vicinance precise, soredut in espressions gjenerichis in corelazion o oposizion cun altris averbis:  o jerin sul Trentin: un pôcs ca e un pôcs là, tes busis. Pantan, frêt, fam, pedoi (Riedo Pup, L'armistizi dal '16)
   6. ancje cence significât di lûc, par pandi tune corelazion ripetitive:  cjale ca, smire là, finalmentri o ai in man la clâf dal misteri (Arturo Feruglio, Viaç a Vignesie); nol voleve che cualchidun lu fermàs e al tacàs a domandâi cemût ca e cemût là (Carlo Sgorlon, Prime di sere)
      Sin. sù , chi¹ , cussì
   7. inter. par introdusi une frase, manifestant la presince di cdn., di spès di cui che al fevele, intal pluest là che si è:  "Ca che o soi tornât […] a tirâ chei cuatri carantans" (Angelo Covazzi, Dâ di credince)
   8. tant che ordin di vignî o di stâ dongje:  ca, Bric, sentât
   9. tant che ordin o invît a dâ alc o a cjapâ alc:  "Ca la man! L'afâr l'è fat" (Dolfo Zorzut, El priôr dal convent di sant Valantin e el diau); "Che si svei, che si svei… / Ca, che cjoli une prese di tabac…" (Pieri Çorut, Il mio tratament); siore Dreine e vignive fûr cul butaç: "Ca mo, Cabule" e jù une tace, dôs, tal mieç dal lavôr (Dino Virgili, La aghe da pît la cleve)
2. av. a chest pont, tant che indicazion di situazion o di timp plui che di lûc:  "Bausarate, no è vere, us fasarai meti in preson." "Ca le viôt brute […]" (Pieri Somede dai Marcs, Cjase di fitâ); Toni Verze, dopo i cent, a cui che i domandave cemût che e va i rispuindeve: "O sin ca fantat, che o lin viers i dusinte!" (Alan Brusini, Amîs come prime); al rive il gnûf an e o sin ca a spietâlu cul cûr ingropât e il flât ingusît (Josef Marchet, Il cîl nulât)
   Sin. a chest pont , cumò , culì , chi¹
   
   1. ancje tant che rispueste moderade a une domande su cemût che a van lis robis, par intindi inte situazion che si viôt, plui o mancul ben o mâl:  dopo un pôc i va dongje Nando Menon: «Oh, Armando. Cemût?». «Ca» (Meni Ucel, Mâl di paîs)
      Sin. cussì , cussì po
3. av. ancje par dâ plui enfasi a dimostratîfs o a espressions che za a riclamin la atenzion su alc che al è dongje o presint:  "O stavi corint daûr a un parussulat e ve ca che lu ai cjapât" (Angelo Covazzi, Il parussulat); o vin viodût nome chescj lûcs ca (Enrico Martina, Ricuarts e inlusions)
   Sin. chi¹ , culì , chenti
4. av. in funz. di adi., che al è dongje, che al è presint:  "[…] il plevan ca, al si spiegarà miôr cul professôr […]" (Costantino Smaniotto, Co l'amôr al cimie)
   Sin. chi¹ , culì , chenti
5. prep. ancje in forme articolade, par introdusi un complement di lûc, cun indicazion de cjase o de proprietât di cdn.:  dopo la visita cal barba lôr doi jarin lâts fâ una cjaminada (Ranieri Mario Cossâr, Nita e Nesto); a lavin vie scuasi par ogni cjase: une fie dal barbe Toni, un fi ca i Scuriants, un fradi dal Drea […] (Jolanda Mazzon, Di là de rêt)
   Sin. ca dì , chi di , là di , li di

Polirematichis e espressions idiomatichis

• ca dentri loc.av.
• ca di loc.prep.
• ca di ca loc.av.
• ca di ca di loc.prep.
• ca e là loc.av.
• chel ca loc.adi., loc.pron.
• chest ca loc.adi., loc.pron.
• dâ di ca loc.v.
• di ca loc.av., loc.adi.inv., loc.prep.
• di ca a loc.prep.
• di ca da la aghe loc.av., loc.adi.inv.
• di ca dal clap loc.av., loc.adi.inv.
• di ca di loc.prep.
• di ca indenant loc.av.
• di ca indevant loc.av.
• fâ un cjâf par ca loc.v.
• fâ un cûl par ca loc.v.
• in ca loc.av., loc.adi.inv.
• menâ il cjâf di ca e di là loc.v.
• par ca loc.av., loc.adi.inv.
• par ca di ca di loc.prep.
• plui di là che di ca loc.adi.inv.
• plui di là che no di ca loc.adi.inv.
• tirâ di ca pai cjavei loc.v.
• tornâ di ca loc.v.

Proverbis:

• cuant che si nomene il lôf al è ca