là di
[FO]
-
loc.prep.
par introdusi un complement di lûc, cun sens di vicinance a un puest lontan di cui che al fevele:
jeve la lune e spant il so lusôr; / vele che bat sore chei cuatri pins / che son culì vicins! / Ve la grave de Tor! / Ve la Maline là di chê boschete! (Pieri Çorut, La gnot di Avrîl);
e pôcs minûts dopo si viôt a rivâ là dal tor, al son des cjampanis, une procission di int (Luigi Gortani, Il tor di Mueç)
Sin. li di
-
in particolâr in riferiment ae cjase, al ufici, al studi, ae buteghe, ae proprietât e v.i. di une persone:
là di me si sfadie, une zornade di libertât no si àle, sâr Tite al è rigorôs, ma nus vûl ben a ducj cuancj, e no nus lasse mai mancjâ di nuie (Catarine Percude, La plui biele);
"[…] Un pocje di robe tu le âs metude ca di me, un pocje là di Miute […]" (Alviero Negro, La cjase);
la cassefuart di barbe Mateo, dopo che Carlin le veve vierte cul picon, le àn puartade là dal fari che le butà te feraze (Pieri Menis, Chei di Muraie);
"[…] al vûl dî che al è alc altri di regolâ… e alore, va là dal to miedi, Montàg, che ti cognòs ben […]" (Stiefin Morat, Kebar krossè)
Components: