Dizionari de Lenghe Furlane

ca di    [AF]

1. loc.prep. al indiche complement di lûc, soredut prime di nons di persone, pronons personâi, personis e bestiis, soredut par indicâ une cjase, une proprietât, un ufici, une buteghe e v.i.:  finalmentri i erêts, par dividi cuatri cjamps e un segnâl di cjase mieze dirocade, a son vignûts ca di me par firmâ il contrat di division (Pieri Somede dai Marcs, Par la firme di un contrat); «Parcè varessial di lâ vie? Al sta pûr ben ca di nô…» (Carlo Sgorlon, Prime di sere); la none Catine mi menave cun se ca dai Pascuts (Gianni Gregoricchio, Trê feminis)
   Cfr. là di , li di
2. loc.prep. dentri di un ciert tiermin temporâl, spaziâl, logjic e v.i.:  la frutate ca di un mês e sarà spose (Costantino Smaniotto, Co l'amôr al cimie); la fie però, che e jere la plui furbe e e veve nasât alc di mâl, e domande al pari di partî e lu sigure che e sarès tornade ca di un pôc (Andreina Nicoloso Ciceri, Trê sûrs - Racconti popolari friulani I)
   Sin. in , tra , fra¹

Components:

• ca¹ av., inter., prep.