Dizionari de Lenghe Furlane

dâ di ca    [CO]

1. loc.v. tornâ a stâ miôr dopo di jessi stât mâl:  la int e colave malade dulintor e no rivave a dâ di ca. Un cumò e un dibot a finivin là sù [tal cimitieri] (Maria Forte, Dome la cjampanute di Sant Bortul); no sano che ancje jo o ai doi fîs al front? Un in Russie e chel altri a rustîsi in Afriche? E chel om malât di tant timp, che nol po mai dâ di ca? (Pieri Menis, Zilugne)
   Sin. rimetisi , ripiâsi , tornâ di ca , tornâ incà
   
   1. tornâ cussient dopo di vê vût imbast o di vê çavariât:  ferît al à pierdût i sintiments e te gnot, co al à dât di ca, al si è cjatât dongje al so cjapitani che al zemeve e che nol podeve movisi parcè che al jere ferît a dutis dôs lis gjambis (Pieri Somede dai Marcs, Vilie di Nadâl (teatri))
2. loc.v. (fig.) rivâ a vê une situazion miôr:  cuant che une famee e començave a dâ di ca de grande miserie, la prime robe che e faseve in cjase al jere il tinel (Riedo Pup, I furlans e il camarin)
   Sin. rimetisi , ripiâsi , tornâ di ca , tornâ incà

Components:

• ca¹ av., inter., prep.
• dâ v.tr., v.intr.