ripiâsi
ri|pi|â|si
[AF]
-
v.pron.intr.
tornâ in salût dopo di une malatie o tornâ in fuarce dopo di une fadie o di alc di impegnatîf pal cuarp o pe psiche:
al veve fat a pît dôs miis di strade par vignî a cjatâ mio pari che al stentave inmò a ripiâsi di une polmonite (Pieri Somede dai Marcs, 11 di Fevrâr 1929);
il secont fi al nassè intal mês di Març dal cuarantetrê. Il part al fo lambicât. Tilde e stentâ a ripiâsi (Gianni Gregoricchio, Trê feminis);
lâ a durmî adore, la sere, par ripiâsi des fadiis de zornade, cun durmidis di plomp (Meni Ucel, Tant parom)
Sin. vuarî
, dâ di ca
, ristabilîsi
, repelâsi
Var. repiâsi
, repeiâsi
-
v.pron.intr.
tornâ intune cundizion buine o normâl dopo di un cualsisei fat negatîf:
il fat che no podìn tornâ a ripiâsi di bessôi [dal taramot], nol vûl dî che no podìn aministrâsi di bessôi (Antoni Beline, Autonomie come categorie spirituâl);
cul tignî cont, cul sparagnâle di bocje, puar Griôr al veve podût ripiâsi e lâ indenant pal miei (Dino Virgili, Il mulin)
Sin. tornâ a bon
, rinfrancjâsi
, rimontâsi
, tirâsi sù
, rimetisi
, repelâsi
-
tornâ a vê presince di spirt:
la femine e ve un scjas, ma si ripià subite (Roberto Ongaro, Cretevierte);
«No dîs nuie… no pensi nuie…» e la vôs i lave jù pal cuel; ma dopo un moment si ripià e al butà fûr cuatri peraulis a la svelte (Pieri Menis, Chei di Muraie)
-
v.pron.intr.
cjapâsi une rivincite, une compensazion di alc di negatîf o di alc che si à vût di spietâ tant, o ancje cjapâsi un svindic:
cumò al voleve ripiâsi, al voleve dispiticâsi a passâ dongje i fîs dal vecjo paron, fasint fente di no inacuarzisi di lôr (Maria Forte, La tiere di Lansing)
Sin. rifâsi
-
v.pron.tr.
tornâ a cjapâ alc di se stes, par se stes o cun reciprocitât:
i partîts a àn tornât a ripiâsi dut il lôr podê (Antoni Beline, Strategjie eletorâl)
Sin. ricjapâsi
Proverbis:
- cuant che si crôt di ripiâsi, e je chê volte che si è su la code dal mus