Dizionari de Lenghe Furlane

dongje  /-ò-/  don|gje  [FO]

1. av., prep., adi.inv. a pocje distance tal spazi:  un cjan al vuacà li dongje, di là dal curtîl (Dino Virgili, Pôre tal nuie…); si sentave su la bancje, dongje il fûc (Riedo Pup, Vigji Brusin); lis stradis che di Glemone a puartin tai paîs dongje (Rino Gubiani, Studi da la evoluzion dal paisaç mediant i toponims)
   Sin. in bande , parmìs , dacîs , vicin , daprûf , indongje , dapûr
   Var. dingje
2. av., prep. (fig.) par segnâ che alc al ven zontât a alc altri:  il contrat imagjinât di Rousseau, dongje de libertât civîl, al difint la proprietât (Fabian Ros, La invenzion dal stât); tai ultins timps, dongje di gas, lûs e aghe, la Autoritât centrâl di control e veve zontât su lis boletis ancje l'aiar che al vignive pompât tai apartaments (Gianfranco Pellegrini, La lune te stele)
   Sin. ancje dongje , ancjemò , ancjemò dongje , ancjemò sore , di soreplui , inmò , oltri , par dongje , par prionte , par soremarcjât , par zonte , sore , di là di , in plui , indongje , dapûr
3. av., prep., adi.inv. in compagnie, intune relazion di solidarietât, colaborazion, amistât, o ancje sentimentâl:  dopo de operazion, e je stade dongje di me di dì e di gnot (Gianni Gregoricchio, Trê feminis); al cjatà oposizions e incomprensions dentri de stesse scuadre dai siei colaboradôrs plui dongje, che no lu capivin fin insom (Adrian Cescje, Tal non di Fausto Schiavi)
   Sin. dacîs , daprûf , dispùs , parie , indongje , dapûr
   
   1. di parincj, in relazion strente, in pocje distance gjenealogjiche:  l'agrât pal pari, pe mari, pai vons, i fradis, i parincj dongje e chei lontans (Erika Adami, Il gno jessi tal mont)
4. av., prep., adi.inv. no lontan intal timp:  la carateristiche culturâl dal Friûl si è mantignude avonde salde fin a une ete avonde dongje di noaltris (Adrian Cescje, Memoriis di politiche linguistiche)
   Sin. vicin , sot
5. av., prep., adi.inv. (fig.) intune situazion di fuarte probabilitât:  tal secul XX la cjace e à puartât diviersis speciis di balene dongje de estinzion
   Sin. li li , daprûf , vicin , aprûf
6. av., prep., adi.inv. intun rapuart di someance:  un gjeograf austriac che al scrîf che "i furlans no son talians, ma a son une vore plui dongje ai nestris ladins" (Donato Toffoli, Il lunari mai jessût - Tellini te prime vuere mondiâl); chestis ultimis dôs speciis [simpanzè e bonobo] a son chês plui dongje al gjenar uman, che di lôr si è separât cirche 6 milions di agns indaûr (Franc Fari, Eric Pascul, Autonomie e democrazie, i numars de socializazion umane)
   Sin. vicin , daprûf , aprûf , indongje
7. av., prep., adi.inv. in vicinance ideâl, astrate:  ambients conservadôrs dongje dal fassisim
   Sin. aprûf , daprûf , vicin , indongje

Polirematichis e espressions idiomatichis

• ancjemò dongje loc.av.
• capitâ dongje loc.v.
• clamâ dongje loc.v.
• dâ dongje loc.v.
• dâsi dongje loc.v.
• dongje di loc.prep.
• fâ dongje loc.v.
• lâ dongje loc.v.
• menâ dongje loc.v.
• meti dongje loc.v.
• meti dongje vite loc.v.
• parâ dongje loc.v.
• puartâ dongje loc.v.
• rivâ dongje loc.v.
• sierâ dongje loc.v.
• stâ dongje loc.v.
• tacâ dongje loc.v.
• tacât dongje cu la salive loc.adi.
• tirâ dongje loc.v.
• tirâsi dongje loc.v.
• tornâ dongje loc.v.
• vignî dongje loc.v.

Proverbis:

• cui che al à dongje dal fogolâr pâs e amôr, al è un siôr
• dongje dal stran no stâ fâ fûc
• femine e bo plui dongje che si po
• fruts e colomps a puartin dongje simpri alc
• la piel e je ancjemò plui dongje de cjamese
• no stâ meti la paie dongje dal fûc
• nol è un ben che nol vedi il so mâl dongje
• vacje e bo plui dongje che si po