puartâ dongje
[CO]
-
loc.v.
tal sens leterâl, puartâ di un lûc plui lontan a un lûc mancul lontan, ancje sotintindint a cjase, te sô proprietât e v.i.:
o vevi juste trê minûts par tressâ la strade […] e montâ sù sul autobus che a mi varès puartât dongje de stazion (Marc Stolf, Al è simpri cualchidun che al è "plui mancul" di te);
si metè a puartâ dongje cu la cosse la fuee dal Fossalat (Pieri Menis, Il fi de Rosse)
-
loc.v.
(ancje ass.)
procurâ alc che al covente:
il stalîr i puartave dongje ce mangjâ e vistîts di massarie (Andreina Nicoloso Ciceri, I trê cjadreons - Racconti popolari friulani I);
a lavoravin ce a cjase ce pal mont, e ducj a puartavin dongje la lôr part, a sparagnavin, a ingredeavin, a cuistavin, e i afârs ur lavin benon (Josef Marchet, Lis predicjis dal muini);
no jere mai bondance in cjase sô, ancje se Bertin al puartave dongje (Maria Forte, Cjase di Dalban)
Sin. puartâ a cjase
-
loc.v.
vê, otignî o ricevi:
in Italie no simpri si puartin dongje risultâts dome par i merits che un al à, ma invezit tantis voltis par vie di altris resons… (Alberto Zeppieri, Elio, citadin furlan)
Sin. puartâ a cjase
Components: