Dizionari de Lenghe Furlane

puartâ a cjase    [AF]

1. loc.v. puartâ te cjase dal subiet cdn. o alc:  "O ai pôc timp; prepare a la svelte la tô robe, che fûr di chi o vin un automobil che nus spiete." "Par lâ indulà, il gno frut?" "Ti puarti a cjase, nono, ti puarti cun me." (Franca Mainardis, Aiar di cjase); si incjantave parsore un libri plen di fueis, rosis e lidrîs dissegnadis dal naturâl. Il plevan che si jere inacuart di chê passion, jal veve lassât puartâ a cjase (Maria Forte, Il Bide di Miot)
   
   1. compagnâ cdn. a cjase sô:  "Pieri al sta mâl, lu puarti a cjase, po o torni" (Amedeo Giacomini, Tal ospedâl)
2. loc.v. procurâ alc che al covente:  l'omp al tornave a cjase pal Unviar, cu la «stagjon» sudade e ingrumade sentesim su sentesim par mantignî la famee. Cualchidun nol tornave, parcè che nol veve ce puartâ a cjase: a jerin i bintars (Francesc Placerean, Cuintristorie dal Friûl dal 1866 fint in dì di vuê)
   Sin. puartâ dongje
3. loc.v. vê, otignî o ricevi:  cualchi cjame di vuadulis mi è capitât di puartâle a cjase ancje a mi (Josef Marchet, Lis predicjis dal muini)
   Sin. puartâ dongje

Components:

• cjase s.f.
• puartâ v.tr.