cjase
cja|se
[FO]
-
s.f.
edifici dividût in stanziis o in apartaments, massime fat par jessi a stâ:
plui frescje ancjemò e je la propueste di creâ un distret produtîf di cjasis di len termoautonomis e certificadis di proponi sul marcjât (Redazion il Diari, Dal setôr dal len un dramatic chivalì);
a stavin dôs fameis inte cjase di chest curtîl, e in chestis fameis a stavin dôs frutis (Meni Ucel, Gnot di Avost);
subit disore Polcenic e je une cjasute tal mieç di un bosc di lens scûrs e alts, une cjasute di un sôl plan, come chês dai sclâfs di là di Gurize (Dino Virgili, Un riul tra Venit e Friûl)
Cfr. puarte
, porton
, barcon
, luminarie
, cuviert
, camin
, nape
, mûr
, parêt
, fonde
, fondazion
, cusine1
, sale
, coridôr1
, scjale1
, puiûl
, cjamare
, stanzie
, salot
, mezât
, tinel
, camarin
, cjast
, cantine
, cjanive1
, rimesse
, lobie
, arie2
, cort
, ort
, zardin
-
puest dulà che si vîf, che al pues jessi ancje une singule abitazion dentri di une costruzion che e pues tignî plui fameis:
cjase mê e je tal cuint plan, si viôt un biel panorame su lis monts
Sin. apartament
, cuartîr
-
ancje cence possessîf o cence specificazion, puest dulà che si vîf:
une volte Zenco al tornave a cjase di Cuie sul tart, tune gnot di Istât, cence lune (Meni Ucel, Prioritâts)
-
ancje grant edifici no dome par vivi, ma ancje cun funzions di rapresentance:
une biele racuelte dai trê fradis [Afro, Dino e Mirko] e je a Cjase Cavazzini, il Museu di art moderne e contemporanie di Udin. (Oscar Puntel, Basaldella, famee di artiscj)
Sin. cjasament
, palaç
-
al pues formâ complements di lûc cence preposizion:
tornant cjase, in chê sere, in machine su la tangjenziâl, no i vignive il flât (Gianfranco Pellegrini, Cidulis);
la mesade je mandavin cjase (Ivano Urli, La mance);
se o fos cjase o podarès durmî fin tart (Checo Tam, Neapolis)
Sin. cjasament
, palaç
-
s.f.
stanzie dulà che si fâs il fûc, dulà che si fâs di mangjâ e dulà che si mangje:
la «cjase», chê che cumò a clamin «cusine», uniche stanzie de vite cuotidiane, e jere furnide di spolert, taule, seglâr cui cjaldîrs pe aghe, vetrine par meti vie chei pôcs creps e padielis dal mangjâ e, tal sotscjale, un fregul di camarin par tignî il companadi (Roman Michelot, La cjase dai contents)
Sin. cusine1
Cfr. fogolâr
-
s.f.
famee, grup di personis che a vivin insiemi te stesse cjase:
il ricuart di lôr, dai vons che nus àn lassâts, al dure simpri, in dutis lis cjasis dal Friûl (Riedo Pup, I furlans e i muarts);
i debits di cjase no jerin stâts parâts jù dal dut (Meni Ucel, Ideis);
dut chel amôr che e veve intorsi e che no si sintive di dâ ai siei di cjase che le vevin tradide, cumò lu ufrive a cheste puare femine che jê si jere sielte par seconde mari (Roberto Ongaro, Il muc)
Sin. famee
, cjasade
-
s.f.
grup di personis leadis di parintât:
in cimitieri, a Udin, sot dai puartis a man drete dal stradon, i trê ramaçs de cjase Somede a àn la lôr sepulture: alì da agns e agnorum si ingrumavin i nestris puars muarts (Pieri Somede dai Marcs, I "resti")
Sin. dinastie
, famee
, cjasade
-
s.f.
il so paîs, la patrie:
cualchidun ancje di chei che a jerin stâts a bati cun Napoleon e che no sopuartavin il jôf dai forescj in cjase (Alviero Negro, Int di masnade);
la prospetive europee, come "cjase di ducj i popui di chenti", i Furlans le àn, duncje, tal sanc (Gian Carlo Menis, Pre Checo e la storie)
-
s.f.
sede di un istitût, di une clape o sim.:
bielzà dal '20 si brusin libruts di preieris, gjornâi, lunaris che no sedin scrits par talian, cjasis di associazions culturâls, politichis o identitariis no in linie cu lis gnovis diretivis di Rome (Angelo Floramo, Cuintristorie dal Nûfcent 1920-1930)
-
s.f.
dite, imprese, aziende:
si scugne ancje capî chê che e je, in dì di vuê, la politiche di une cjase farmaceutiche, che e je un tic diferente di chê di une istituzion di caritât (Romano Locci, La discuvierte dai antibiotics: passât, presint e futûr)
Sin. dite
-
s.f.
ancje maiusc., intal non di istitûts, organizazions, comunitâts e v.i.:
lâ a une serade culturâl li de Cjase Emmaus di Dimponç;
visitâ la Cjase dal Len a Sudri;
cinc moments di riflession in dut (il prin si è tignût ai 7 di Otubar), di miercus, aes 6 e mieze sore sere, te Cjase dal student di Spilimberc, cun relatôrs di ecezion (Erika Adami, Un pat pe autonomie)
-
s.f.
[CO, TS]
sport
cjamp, stadi, palaçut sportîf te citât di dulà che e je une scuadre o un sportîf:
un gol par timp e une gnove vitorie. Il Pordenon al conferme la ande positive des ultimis partidis ancje in cjase dal Cittadella, là che al vinç e al convinç (Marc Stolf, Cittadella - Pordenone 0-2)
-
s.f.
[TS]
zûcs
tai scacs, ognidun dai sessantecuatri cuadrâts che a componin la scachiere:
il fat di vê pedons tes cjasis centrâls al da problemis al aversari parcè che i Pedons a impedissin ai tocs dal nemì di movisi cun libertât (Nilde Teresa Negro, Zuìn di scacs)
Sin. casele
Polirematichis e espressions idiomatichis
Proverbis:
- a lâ a cjase cence nuie, la cjase e vai
- a la avemarie, a cjase la baronie
- a scovâ daspò da la avemarie, si scove la fortune di cjase
- a son plui cjasis che no glesiis
- a un lari in cjase no si siere mai
- a vuelin dôs robis par fâ stâ ben une cjase: predi e purcit
- a vuelin siet umign a fâ une cjase, e baste une femine a strucjâle
- ai laris di cjase no si siere mai
- al è facil di direzi lis cjasis di chei altris, al è la sô che al è une vore dificil
- al è miôr che si brusi la cjase pluitost di gjavâ un miluçâr
- al pâr bon un vieli in cjase
- al sa plui un mat a cjase sô che no un savi a cjase di altris
- beade chê cjase che e à un vieli dentri
- campagne tante che si po viodi, cjase tante di stâ a sotet
- chê che no ame lis rosis, e je une cjase di butâ jù
- cjase che si fâs in place o masse alte o masse basse
- cjase fate e braide disfate
- cjase mê, vite mê
- cjase tante di stâ, braide tante di coltâ, prât tant di cjalâ
- cjastie la cjice par che il cjan al resti a cjase
- colomps e fruts a sbitiin la cjase
- cuant che al busine il fûc, forescj in cjase
- cuant che e cjape fûc la cjase no bisugne scjaldâsi
- cuant che nol è a cjase il gjat, a saltin lis surîs
- cui che al à a cjase donzelis, che nol cjali lis stelis
- cui che al à bon vin in cjase nol va ta la ostarie
- cui che al à la cjase sul cjâf al po lâ pardut
- cui che al sta ben che nol lassi cjase sô
- cui cjamps si fâs la cjase, nome cu la cjase si mangje i cjamps
- di une cjase brusade a restin almancul i clauts e la cinise
- e je biele la cjase che e sa dai viei
- i peçots si ju lave in cjase
- il pan di cjase al stufe
- il testart cumò o dibot al va a cjase cul cjâf rot
- il vin di cjase nol incjoche
- in chê cjase che la gjaline e cjante e il gjal al tâs e je pocje pâs
- in cjase dai galantoms prin lis feminis e po i oms
- in cjase dai picjâts no si à di fevelâ di cuarde
- in cjase dai poltrons e je simpri fieste
- in cjase plene si sta pôc a fâ di cene
- l'ingjan al torne a cjase dal ingjanadôr
- la buine femine a fâs la cjase, la triste le disfâs
- la cjase che a fâs caritât no larà mai in malore
- la cjase dai contents al è un pieç che e je sdrumade
- la cjase dai contents e je ancjemò di fâ, e no cjatin claps di fabricâ
- la cjase dai contents e je ancjemò di fabricâ
- la cjase dai contents e je di fabricâ e nissun no le rive adore di fâ
- la cjase dai contents e je lade jù par la aghe
- la cjase dai contents no je stade mai cuvierte
- la cjase di une femine oneste e je come une glesie
- la cjase e je une gruesse cjame
- la cjase e plate ma no robe
- la cjase là che ducj lavore no va in malore
- la cjase o la parone e scuen patî
- la femine daben e fâs la cjase, la femine mate le disfe
- la femine e ten sù trê cjantons de cjase, l'om un sôl
- la femine savie e drece la cjase e la mate le strucje
- la pâs di cjase nol è aur che le pai
- la robe sporcje si lave in cjase
- la veretât a sta ben ancje in cjase dal diaul
- lis femenucis a ruvinin lis cjasis
- miôr famei a cjase sô che no paron a cjase dai altris
- miôr parons di une cjase che no servidôrs intun cjistiel
- miôr une buine femine che no une biele cjase
- Nadâl in cjase, Pasche in place; Nadâl in place, Pasche in cjase
- nissun che al disi mâl in place se in cjase ind à in fasse
- no si à di brusâ la cjase par netâ fûr i pulçs
- no stâ fidâti di cui che al è sant in glesie e diaul in cjase
- nol è ce fidâsi di cui che al è sant in glesie e diaul in cjase
- nol pâr mai tant biel che a cjase so
- o la cjase o la parone e scuen patî
- ogni cjâf la sô idee, ogni cjase il so costum, ogni bocje il so pistum
- ogni cjan al è leon a cjase sô
- ogni cjase al è il so diaul e tai convents a son siet diaui par cop
- ogni cjase e à la sô crôs
- ogni cûr il so misteri, ogni cjase il so costum
- ogni paîs la sô usance, ogni cjase il so costum
- ogni vile la sô usance, ogni cjase il so costum
- ognidun al è paron a cjase sô
- ognidun che al cjali a cjase sô
- par vê la pâs in chest mont a vuelin trê robis: une femine par cjase, une passare par vile, une cocule par sac
- prin di cognossi la int di cjase, bisugne mangjâ cun lôr un stâr di sâl
- puarte al vûl dî puarte a cjase
- ro ro, ognidun a cjase sô
- sant in glesie, diaul in cjase
- se no tu menis i comedons, a cjase no menin lis gramulis
- se o lin a puartâ la nestre crôs in place, o tornìn a cjase cu la nestre
- si sta pôc a fâ di cene cuant che la cjase e je plene
- ten la puce lontan di cjase
- trê feminis par cjase: une vive, une muarte, une picjade daûr de puarte
- trê robis a fasin scjampâ la int di cjase: il fum, la triste muîr e la cjase discuvierte
- trê robis a fasin scjampâ la int di cjase: la cusine fumose, la femine rabiose e la cjase discuvierte
- un bon vassiel di vin e une brave fantate si vendiju a cjase
- une femine par cjase, un gjal par gjalinâr
- une femine par cjase, une passare par vile, une cocule par sac
- zunâ e altri ben no fâ, a cjase dal diaul no si lasse di lâ