vignî par cjase
[CO]
-
loc.v.
vignî in cjase di cdn. par visitis o ancje par lavôrs:
[un vecjo scrit] sal faseve lei de mestre Marcone che e vignive par cjase e siore Lise e restave incjantade a scoltâle, mai stufe di chês peraulis (Maria Forte, Cjase di Dalban);
chei sensârs che i vignivin par cjase par vie dai vidiei, a scugnivin contâle curte e juste (Alan Brusini, Il coragjo de sclope)
Cfr. lâ par cjase
-
loc.v.
soredut tes formis di morosâ di une volte, di un zovin o di un inamorât, vignî in visite, ancje dispès, li de fantate che i plâs, ancje in mût di fâsi cognossi de famee di jê:
regalâ i siops […] a une zovine pe prime volte al jere come dîi: «Ti vuei ben; tu mi plasis; puedio vignî par cjase ? …» (Pieri Menis, I siops);
se un fantat di chei pôcs che a jerin restâts a cjase, al ves vude voie di morosâ cuntune, al veve di spietâ che al tornàs il pari o il fradi, par lâ a domandâ di vignî par cjase (Roberto Ongaro, Cretevierte)
Cfr. lâ par cjase
Components: