mûr
mûr
[FO]
-
s.m.
struture verticâl, plui alte e lungje che gruesse, fate di materiâl di costruzion, par sierâ o dividi spazis, ambients o par tignî sù altris struturis, tant che solâr, cuviert e v.i.:
une casere di breis poiade suntun mûr di claps (Roberto Ongaro, Il muc);
la cjase viere si jevave fuarte dai mûrs a scarpade, come un cjistielat (Dino Virgili, La aghe da pît la cleve);
al rivà a Trep, dulà che ducj i mûrs a jerin piturâts di cjalcine cu la scrite: «Viva il 38. '38 Classe di ferro!» (Carlo Sgorlon, Prime di sere)
Sin. parêt
-
s.m.
(estens.)
materiâl di costruzion dûr, tant che modon, piere, clap e sim.:
su la paradane di mûr da cjâf la scjalinade dople, sul pat, i canelons e alçavin il cjâf inrosât (Dino Virgili, La aghe da pît la cleve);
a si veve fabricât sù, in part di mûr e in part di scuarçs, la sô brave farie (Luigi Gortani, Meni Fari)
-
s.m.
(fig.)
element, struture, complès di elements e v.i. che al forme come une superficie continue:
e viodè il Pape che al si impareve net cuintri il mûr di int di chê altre bande dal passaç (Agnul di Spere, Te grande place)
-
s.m.
(fig.)
element di dificoltât:
cussì al ven par ducj i fats de nestre vite, almancul fin che no si à batût di persone il cerneli cuintri dal mûr (Gianni Gregoricchio, Trê feminis)
Sin. dûr
, grop
-
s.m.
(fig.)
element di division o discriminazion, spec. ideologjic o sociâl:
Luzie e cirive saldo di meti sù ducj e alçâ mûrs di cjacaris fra lôr e lis fameis (Maria Forte, Cjase di Dalban);
a sintivin come un mûr di glace che lis divideve (Pieri Menis, Marum)
Sin. ostacul
-
s.m.
[TS]
ecuit.
ostacul di materiâl rigjit tes garis dai cjavai
-
s.m.
[TS]
sport
intal schi, un toc di piste une vore di rive injù
-
s.m.
[TS]
sport
intal ciclisim, rive sù une vore fuarte
-
s.m.
[TS]
sport
tecniche dal volley li che doi o plui zuiadôrs a saltin dongjelaltris par mandâ indaûr un atac:
fâ mûr
-
i zuiadôrs che a fasin mûr
Polirematichis e espressions idiomatichis
Proverbis:
- daûr lis cisis e i mûrs no stâ fevelâ
- dûr cun dûr no si fâs mûr
- dûr cun dûr nol fâs bon mûr
- lis madonis a van ben picjadis sù pal mûr e lis brûts inte cite
- mûr di Invier, mûr di fier
- no mai fâ un mûr se si viôt un clap cu la ponte infûr
- no si po gjavâ sanc dal mûr