grop
/-ò-/
grop
[FO]
-
s.m.
leam fat di cuarde, fîl o sim.:
e pierdin une ore a fâsi il grop de golarine (Josef Marchet, Une peraulute di Vigji Scuete);
tal indoman jê e fâs tancj grops te curdele des scarpis e cussì no rivave mai a gjavâlis (Andreina Nicoloso Ciceri, I trê cjadreons - Racconti popolari friulani I);
la suele [dai scarpets] e vignive metude dongje cun spali, fermât di 1500-2000 grops (Oscar Puntel, Scarpets, tai pîts la tradizion)
-
s.m.
(fig.)
insiemi di personis o robis une vore leadis tra di lôr:
jo, la cjase, jê, la tiere jerin un grop sôl (Pieri Somede dai Marcs, Vilie di Nadâl (teatri))
-
s.m.
complès disordenât formât di fîi, cuardis, cjavei, pêi e v.i.:
E il pêl? Il pêl dut plen di grops e di besteutis che i corin parsore (Angelo Floramo, La gjate marangule);
ai pierdût il gno pietin… e cumò i cjavei mi deventaran dut un grop (Alessandro Di Pauli, Par piâ un fûc)
Sin. berdei
, garbui
, gredei
, imbroi
, voluç
-
s.m.
(fig.)
strente convulsive, disordenade:
i doi umign si imbrancarin, a marcolarin par tiere, muardintsi, sgrifignantsi, rugnant come bestiis, acanîts e insanganâts, tun grop di cuarps che a smalitavin (Dino Virgili, La aghe da pît la cleve)
-
s.m.
toc di licuit organic condensât:
chel che al rindè fûr e fo ancjemò bile, po une sbrume blancje e, tal ultin, sanc: dome che un grop, no di un colôr ros lustri, ma scûr come puinte (Amedeo Giacomini, Tal ospedâl)
Sin. grum
-
toc dûr intune masse tenare:
une polente spropositade e fumave, crude o brusade, cu lis cjichis di croste o cui grops di farine sute (Dino Virgili, La aghe da pît la cleve)
Sin. gnoc
, munar ipon.
-
s.m.
(fig.)
tension psicologjiche negative, in câs ancje cun manifestazions fisichis:
intant che al fevelave, si sintive un grop che i strenzeve tal cuel, come par fermâi lis peraulis (Roberto Ongaro, Il muc);
come se un grop si dismolàs fûr dal cûr a colp, al començà a sangloçâ (Pieri Menis, Sul agâr);
ce che al mi ofint al è il mût, il grop, il rancôr / chest to sierâ i conts par simpri e bessôl (Giorgio Ferigo, La sô puema)
-
s.m.
(fig.)
acjadiment, fat negatîf o malstâ dificil di acetâ o di fâ passâ:
al è stât par me un grant displasê. Un grop che nol passe (Maria Forte, La tiere di Lansing)
Sin. dûl
, feride
, lancûr
, pinsîr
, spine
, tai
, dolôr
-
s.m.
part gruesse e taronde che e da infûr:
a picjavin lis cogumis e lis covertoriis lusintis su la fereade dai barcons, in rie, e sui grops des vîts che a cressevin di secui su la puarte di cjase (Riedo Pup, Zuan Gjeremie);
al da un colp al grop dal cuel de butilie che al salte vie come une cocule (Pieri Menis, Doi pizighets e un lari)
Sin. gnoc
-
s.m.
struture circolâr tes venis dal len, formade de inclusion di ramaçs tal tronc inte incressite de plante:
breis plenis di grops
-
s.m.
[BF]
toc bas di arbul cu lis lidrîs tacadis:
e ce grop; [la çocje che si impie par Nadâl] e dure sigûr fin al prin dal an (Pieri Somede dai Marcs, Gnot di Nadâl)
Sin. çoc
, çocje
-
s.m.
cualsisei struture plui o mancul circolâr che e à caratars diferents rispiet al rest che al è ator:
a son ancje listis e grops di siliç nere (Francesco Gobbo, Gjeologjie e paleontologjie ator di Preon)
-
s.m.
(fig.)
pont decisîf:
In chei agns al pareve che il grop principâl de cuistion al fos chel di decidi se l'insegnament de lenghe furlane a scuele al veve di sei obligatori o facoltatîf (Adrian Cescje, Memoriis di politiche linguistiche);
lavâsi lis mans e gjavâsi a bon presit, cence rivà al grop de cuistion (Carlo Sgorlon, Il dolfin)
Sin. cûr
, nusel
, struc1
-
element problematic impuartant:
Il guvier le à menade ator fintremai cumò: ma il grop al è vignût al ristiel e al tocje disgropâlu (Josef Marchet, Il strolic al pronostiche)
-
s.m.
(fig.)
moment, volte singule li che al sucêt alc:
Masse robe intun grop, pre Nocent, masse robe! (Arturo Feruglio, Viaç a Vignesie);
al passe un secul, a 'nt passin doi, ma al rive un grop e si paie dut (Francesc Placerean, Pe unitât di glesie in Friûl)
-
s.m.
cuantitât di personis o di elements che a stan dongje o che a àn carateristichis in comun:
parlamentârs di ducj i grops de Comission (Riedo Pup, Cinccent a la volte);
a 'nd jere di bielis tal grop des zovinis che a partivin insiemi a buinore (Maria Forte, Cjase di Dalban);
i Celtics a jerin dividûts in putrops grops, che si guviernavin in forme republicane, plui di râr in forme di piçulis monarchiis (Josef Marchet, Cuintristorie dal Friûl fin sot la Italie)
Var. grup1
-
s.m.
[TS]
metrol.
unitât di misure de velocitât des nâfs:
la barcje e leve a 15 grops
Polirematichis e espressions idiomatichis
Proverbis:
- cui che nol fâs il grop al piert il pont
- cui che tal fîl nol fâs il grop al piert il pont
- ducj i grops a vegnin al pietin
- ogni grop al ven al pietin
- ogni trop al romp il grop