Dizionari de Lenghe Furlane

lancûr  lan|cûr  [AF]

1. s.m. sensazion di debilece fisiche o morâl fuarte:  in curt, il sium al veve paronât il so cuarp, peant il so spirt intun lancûr penç di sensazions e di visions (Franca Mainardis, Grivôr)
   Sin. flaperie , debilece , sfiniment , sflacje , cagnate , languidece
   Var. lancôr , ancûr
2. s.m. mancjance di tension, di gnervôs, di sfuarç:  mi veve inmatît chê sô bielece mole, plene di lancûr, di femine no sodisfate epûr rassegnade al so destin (Alan Brusini, Gian Paolo Linda, I forescj)
   Sin. languidece
3. s.m. sensazion di bisugne di sodisfâ il cuarp, soredut mangjant o bevint:  "Che la mi porti un savajon cun quatro ovi, invesse!…" o domandi, seneôs di cuietâ el lancûr de panze (Arturo Feruglio, Viaç a Vignesie)
   Sin. languidece
4. s.m. soference psicologjiche profonde:  al jere lât là jù di jê, nol saveve nancje lui cemût che si jere decidût, come puartât di chel lancûr che lu tormentave (Pieri Menis, Sul agâr); jê si jere sintade dongje di lui, calme par fûr. "Culì jo o ven a sotetâmi ogni volte che mi cjape il lancûr… Mi consoli." (Gianni Gregoricchio, Îr e doman)
   Sin. displasê² , malinconie , cruzi , crepecûr , passion , dolôr , ingôs , dulie , duliment , aflizion , torment , patiment , martueri , sclopecûr